uttama charitra saptasati chapter 5

అస్య శ్రీ ఉత్తమ చరిత్రస్య రుద్ర ఋషిః అనుష్టుప్ ఛందః శ్రీ మహాసరస్వతీ దేవతా భీమా శక్తిః భ్రామరీ బీజం సూర్యః తత్వం సామవేద స్వరూపం మహాసరస్వతీ ప్రీత్యర్ధే సప్తశతీ పాఠే  వినియోగః

ధ్యానం

ఘంటాశూల హలాని శంఖ ముసలే చక్రం ధనుః సాయకాన్

హస్తాబ్జైః దధతీం ఘనాంత విలసత్ శీతాంశు తుల్యప్రభాం

గౌరీదేహ సముద్భవాం త్రిజగతా మాధారభూతాం మహా

పూర్వామత్ర సరస్వతీ మను భజే శుంభాది దైత్యార్దినీం

ఓం నమశ్చండికాయై

1.       ఓం క్లీం ఋషిరువాచ

2.       పురా శుంభనిశుంభాభ్యాం అసురాభ్యాం శచీపతేః :: త్రైలోక్యం యజ్ఞ్యభాగాశ్చ హృతా మదబలాశ్రయాత్  

3.       తావేవ సూర్యతాం తద్వదధికారం తధైందవం :: కౌబేరమధ యామ్యం చ చక్రాతే వరుణస్య చ

4.       తావేవ పవనర్ధిం చ చక్రతుః వహ్నికర్మచ :: తతో దేవా వినిర్ధూతా భ్రష్టరాజ్యాః పరాజితాః

5.       హృతాధికారాః త్రిదశాః తాభ్యాం సర్వే నిరాకృతాః :: మహాసురాభ్యాం తాం దేవీం సంస్మరత్యపరాజితాం

6.       తయా2స్మాకం వరో దత్తో యధా2పత్సు స్మృతా2ఖిలాః :: భవతాం నాశయిష్యామి తత్క్షణాత్ పరమాపదః

7.       ఇతి కృత్వా మతిం దేవా హిమవంతం నగేశ్వరం :: జగ్ముః తత్ర తతో దేవీం విష్ణుమాయాం ప్రతుష్టువుః 

8.       ఓం క్లీం దేవా ఊచుః

9.       నమోదేవ్యై మహాదేవ్యై శివాయై  సతతం నమః :: నమః ప్రకృత్ర్యై భద్రాయై నియతాః ప్రణతాః స్మ తాం

10.   రౌద్రాయై నమో నిత్యాయై గౌర్యై ధాత్ర్యై నమో నమః :: జ్యోత్స్నాయై చేందురూపిణ్యై సుఖాయై సతతం నమః

11.   కళ్యాణ్యై ప్రణతాం వృద్ధ్యై సిద్ధ్యై కుర్మో నమో నమః :: నైరృత్యై భూభృతాం లక్ష్మ్యై శర్వాణ్యై తే నమోనమః

12.   దుర్గాయై దుర్గపారాయై సారాయై సర్వకారిణ్యై ఖ్యాత్యై తధైవ కృష్ణాయై ధూమ్రాయై సతతం నమః

13.   అతిసౌమ్యాతి రౌద్రాయై నతాస్తస్యై నమోనమః :: నమో జగత్ప్రతిష్టాయై దేవ్యై కృత్యై నమోనమః

14.   యా దేవీ సర్వ భూతేషు విష్ణుమాయేతి శబ్దితా : నమస్తస్యై నమః

15.   యా దేవీ సర్వ భూతేషు విష్ణుమాయేతి శబ్దితా : నమస్తస్యై నమస్తస్యై  నమః

16.   యా దేవీ సర్వ భూతేషు విష్ణుమాయేతి శబ్దితా : నమస్తస్యై నమస్తస్యై  నమోనమః

17.   యా దేవీ సర్వ భూతేషు చేతనేత్యభిదీయతే  : నమస్తస్యై నమః

18.   యా దేవీ సర్వ భూతేషు చేతనేత్యభిదీయతే : నమస్తస్యై నమస్తస్యై  నమః

19.   యా దేవీ సర్వ భూతేషు చేతనేత్యభిదీయతే : నమస్తస్యై నమస్తస్యై  నమోనమః

20.   యా దేవీ సర్వ భూతేషు బుద్ధిరూపేణ సంస్థితా   : నమస్తస్యై నమః

21.   యా దేవీ సర్వ భూతేషు బుద్ధిరూపేణ సంస్థితా : నమస్తస్యై నమస్తస్యై  నమః

22.   యా దేవీ సర్వ భూతేషు బుద్ధిరూపేణ సంస్థితా : నమస్తస్యై నమస్తస్యై  నమోనమః

23.   యా దేవీ సర్వ భూతేషు నిద్రారూపేణ సంస్థితా   : నమస్తస్యై నమః

24.   యా దేవీ సర్వ భూతేషు నిద్రారూపేణ సంస్థితా : నమస్తస్యై నమస్తస్యై  నమః

25.   యా దేవీ సర్వ భూతేషు నిద్రారూపేణ సంస్థితా : నమస్తస్యై నమస్తస్యై  నమోనమః

26.   యా దేవీ సర్వ భూతేషు క్షుధారూపేణ సంస్థితా   : నమస్తస్యై నమః

27.   యా దేవీ సర్వ భూతేషు క్షుధారూపేణ సంస్థితా : నమస్తస్యై నమస్తస్యై  నమః

28.   యా దేవీ సర్వ భూతేషు క్షుధారూపేణ సంస్థితా : నమస్తస్యై నమస్తస్యై  నమోనమః

29.   యా దేవీ సర్వ భూతేషు ఛాయారూపేణ సంస్థితా   : నమస్తస్యై నమః

30.   యా దేవీ సర్వ భూతేషు ఛాయారూపేణ సంస్థితా : నమస్తస్యై నమస్తస్యై  నమః

31.   యా దేవీ సర్వ భూతేషు ఛాయారూపేణ సంస్థితా : నమస్తస్యై నమస్తస్యై  నమోనమః

32.   యా దేవీ సర్వ భూతేషు శక్తిరూపేణ సంస్థితా   : నమస్తస్యై నమః

33.   యా దేవీ సర్వ భూతేషు శక్తిరూపేణ సంస్థితా : నమస్తస్యై నమస్తస్యై  నమః

34.   యా దేవీ సర్వ భూతేషు శక్తిరూపేణ సంస్థితా : నమస్తస్యై నమస్తస్యై  నమోనమః

35.   యా దేవీ సర్వ భూతేషు తృష్ణారూపేణ సంస్థితా   : నమస్తస్యై నమః

36.   యా దేవీ సర్వ భూతేషు తృష్ణారూపేణ సంస్థితా : నమస్తస్యై నమస్తస్యై  నమః

37.   యా దేవీ సర్వ భూతేషు తృష్ణారూపేణ సంస్థితా : నమస్తస్యై నమస్తస్యై  నమోనమః

38.   యా దేవీ సర్వ భూతేషు క్షాంతిరూపేణ సంస్థితా   : నమస్తస్యై నమః

39.   యా దేవీ సర్వ భూతేషు క్షాంతిరూపేణ సంస్థితా : నమస్తస్యై నమస్తస్యై  నమః

40.   యా దేవీ సర్వ భూతేషు క్షాంతిరూపేణ సంస్థితా : నమస్తస్యై నమస్తస్యై  నమోనమః

41.   యా దేవీ సర్వ భూతేషు జాతిరూపేణ సంస్థితా   : నమస్తస్యై నమః

42.   యా దేవీ సర్వ భూతేషు జాతిరూపేణ సంస్థితా : నమస్తస్యై నమస్తస్యై  నమః

43.   యా దేవీ సర్వ భూతేషు జాతిరూపేణ సంస్థితా : నమస్తస్యై నమస్తస్యై  నమోనమః

44.   యా దేవీ సర్వ భూతేషు లజ్జారూపేణ సంస్థితా   : నమస్తస్యై నమః

45.   యా దేవీ సర్వ భూతేషు లజ్జారూపేణ సంస్థితా : నమస్తస్యై నమస్తస్యై  నమః

46.   యా దేవీ సర్వ భూతేషు లజ్జారూపేణ సంస్థితా : నమస్తస్యై నమస్తస్యై  నమోనమః

47.   యా దేవీ సర్వ భూతేషు శాంతిరూపేణ సంస్థితా   : నమస్తస్యై నమః

48.   యా దేవీ సర్వ భూతేషు శాంతిరూపేణ సంస్థితా : నమస్తస్యై నమస్తస్యై  నమః

49.   యా దేవీ సర్వ భూతేషు శాంతిరూపేణ సంస్థితా : నమస్తస్యై నమస్తస్యై  నమోనమః

50.   యా దేవీ సర్వ భూతేషు శ్రద్ధారూపేణ సంస్థితా   : నమస్తస్యై నమః

51.   యా దేవీ సర్వ భూతేషు శ్రద్ధారూపేణ సంస్థితా : నమస్తస్యై నమస్తస్యై  నమః

52.   యా దేవీ సర్వ భూతేషు శ్రద్ధారూపేణ సంస్థితా : నమస్తస్యై నమస్తస్యై  నమోనమః

53.   యా దేవీ సర్వ భూతేషు కాంతిరూపేణ సంస్థితా   : నమస్తస్యై నమః

54.   యా దేవీ సర్వ భూతేషు కాంతిరూపేణ సంస్థితా : నమస్తస్యై నమస్తస్యై  నమః

55.   యా దేవీ సర్వ భూతేషు కాంతిరూపేణ సంస్థితా : నమస్తస్యై నమస్తస్యై  నమోనమః

56.   యా దేవీ సర్వ భూతేషు లక్ష్మీరూపేణ సంస్థితా   : నమస్తస్యై నమః

57.   యా దేవీ సర్వ భూతేషు లక్ష్మీరూపేణ సంస్థితా : నమస్తస్యై నమస్తస్యై  నమః

58.   యా దేవీ సర్వ భూతేషు లక్ష్మీరూపేణ సంస్థితా : నమస్తస్యై నమస్తస్యై  నమోనమః

59.   యా దేవీ సర్వ భూతేషు వృత్తిరూపేణ సంస్థితా   : నమస్తస్యై నమః

60.   యా దేవీ సర్వ భూతేషు వృత్తిరూపేణ సంస్థితా : నమస్తస్యై నమస్తస్యై  నమః

61.   యా దేవీ సర్వ భూతేషు వృత్తిరూపేణ సంస్థితా : నమస్తస్యై నమస్తస్యై  నమోనమః

62.   యా దేవీ సర్వ భూతేషు స్మృతిరూపేణ సంస్థితా   : నమస్తస్యై నమః

63.   యా దేవీ సర్వ భూతేషు స్మృతిరూపేణ సంస్థితా : నమస్తస్యై నమస్తస్యై  నమః

64.   యా దేవీ సర్వ భూతేషు స్మృతిరూపేణ సంస్థితా : నమస్తస్యై నమస్తస్యై  నమోనమః

65.   యా దేవీ సర్వ భూతేషు దయారూపేణ సంస్థితా   : నమస్తస్యై నమః

66.   యా దేవీ సర్వ భూతేషు దయారూపేణ సంస్థితా : నమస్తస్యై నమస్తస్యై  నమః

67.   యా దేవీ సర్వ భూతేషు దయారూపేణ సంస్థితా : నమస్తస్యై నమస్తస్యై  నమోనమః

68.   యా దేవీ సర్వ భూతేషు తుష్టిరూపేణ సంస్థితా   : నమస్తస్యై నమః

69.   యా దేవీ సర్వ భూతేషు తుష్టిరూపేణ సంస్థితా : నమస్తస్యై నమస్తస్యై  నమః

70.   యా దేవీ సర్వ భూతేషు తుష్టిరూపేణ సంస్థితా : నమస్తస్యై నమస్తస్యై  నమోనమః

71.   యా దేవీ సర్వ భూతేషు మాతృరూపేణ సంస్థితా   : నమస్తస్యై నమః

72.   యా దేవీ సర్వ భూతేషు మాతృరూపేణ సంస్థితా : నమస్తస్యై నమస్తస్యై  నమః

73.   యా దేవీ సర్వ భూతేషు మాతృరూపేణ సంస్థితా : నమస్తస్యై నమస్తస్యై  నమోనమః

74.   యా దేవీ సర్వ భూతేషు భ్రాంతిరూపేణ సంస్థితా   : నమస్తస్యై నమః

75.   యా దేవీ సర్వ భూతేషు భ్రాంతిరూపేణ సంస్థితా : నమస్తస్యై నమస్తస్యై  నమః

76.   యా దేవీ సర్వ భూతేషు భ్రాంతిరూపేణ సంస్థితా : నమస్తస్యై నమస్తస్యై  నమోనమః

77.   ఇంద్రియాణా మధిష్టాత్రీ భూతానాం చాఖిలేషు యా :: భూతేషు సతతం తస్యై వ్యాప్యై దేవ్యై నమోనమః

78.   చితిరూపేణ యా కృత్స్న మేతద్వ్యాప్యస్థితా జగత్ :: నమస్తస్యై నమః

79.   చితిరూపేణ యా కృత్స్న మేతద్వ్యాప్యస్థితా జగత్ :: నమస్తస్యై నమస్తస్యై నమః

80.   చితిరూపేణ యా కృత్స్న మేతద్వ్యాప్యస్థితా జగత్ :: నమస్తస్యై నమస్తస్యై  నమోనమః

81.   స్తుతా సురైః పూర్వమభీష్ట సంశ్రయాత్తధా సురేంద్రేణ దినేషు సేవితా ::

కరోతు సా నః శుభహేతు రీశ్వరీ శుభాని భద్రాణ్యభిహంతు చాపదః

82.   యా సాంప్రతం చోద్ధత దైత్యతాపితైః అస్మాభిరీశాచ సురైర్నమస్యతే

యా చ స్మృతా తత్క్షణమేవ హంతి నః సర్వాపదో భక్తివినమ్రమూర్తిభిః

83.   ఓం క్లీం ఋషిరువాచ

84.   ఏవం స్తవాదియుక్తానాం దేవానాం తత్ర పార్వతీ :: స్నాతు మభ్యాయయౌ తోయే జాహ్నవ్యా నృపనందన

85.   సా2బ్రవీత్తాన్ సురాన్ సుభ్ర్రూః భవద్భిః స్తూయతే2త్ర కా :: శరీరకోశత శ్చాస్యాః సముద్భూతా2బ్రవీచ్ఛివా

86.   స్తోత్రం మమైతత్ క్రియతే శుంభ దైత్య నిరాకృతైః :: దేవైస్సమేతైః సమరే నిశుంభేన పరాజితాః

87.   శరీర కోశాత్ యత్తస్యాః పార్వత్యా నిస్సృతాంబికా :: కౌశికీతి సమస్తేషు తతో లోకేషు గీయతే

88.   తస్యాం వినిర్గతాయాంతు కృష్ణా2భూత్ సాపి పార్వతీ :: కాళికేతి సమాఖ్యాతా హిమాచల కృతాశ్రయా

89.   తతోంబికాం పరం రూపం బిభ్రాణాం సుమనోహరం :: దదర్శ చండోమున్డశ్చ భృత్యౌ శుంభనిశుంభయోః

90.   తాభ్యాం శుభాయచాఖ్యాతా సాతీవ సుమనోహరా :: కాప్యాస్తే స్త్రీ మహారాజ భాసయంతీ హిమాచలం

91.   నైవ తాద్రుక్ క్వచిద్రూపం దృష్టం కేనచిదుత్తమం :: జ్ఞాయతాం కాప్యసౌ దేవీ గృహ్యతాం చా2సురేశ్వర

92.   స్త్రీ రత్న మతిచార్వంగీ ద్యోతయంతీ దిశః త్విషా :: సాతు తిష్ఠతి దైత్యేంద్ర తాం భవాన్ ద్రష్టు మర్హతి

93.   యాని రత్నాని మణయో గజాశ్వాదీని వై ప్రభో :: త్రైలోక్యేతు సమస్తాని సాంప్రతం భాంతి తే గృహే

94.   ఐరావతాస్సమానీతో గజరత్నం పురందరాత్ :: పారిజాతతరుశ్చాయం తధైవోచ్చైశ్రవా హయః

95.   విమానం హంససంయుక్తం ఏతత్ తిష్ఠతి తేం2గణే :: రత్నభూత మిహానీతం యదాసీత్ వేధసో2ద్భుతం                                    

96.   నిధిరేష మహాపద్మః సమానీతో ధనేశ్వరాత్ :: కింజిల్కినీం దదౌ చాబ్ధిః మాలా మమ్లానపంకజాం

97.   ఛత్రం తే వారుణం గేహే కాంచనస్రావి తిష్ఠతి :: తధా2యం స్యందన వరో యః పురాసీత్ ప్రజాపతేః

98.   మృత్యోః ఉత్ క్రాంతిదా నామ శక్తిః ఈశ త్వయా హృతా :: పాశః సలిలరాజస్య భ్రాతుస్తవ పరిగ్రహే

99.   నిశుంభ స్యాబ్ధిజాతాశ్చ సమస్తా రత్న జాతయః :: వహ్నిశ్చాపి దదౌ తుభ్యం అగ్నిశౌచే చ వాససీ

100.   ఏవం దైత్యేంద్ర రత్నాని సమస్తాన్యాహృతాని తే :: స్త్రీ రత్నమేషా కళ్యాణీ త్వయా కస్మాన్న గృహ్యతే

101.   ఓం క్లీం ఋషిరువాచ

102.   నిశమ్యేతి వచః శుంభః స తదా చండముండయోః :: ప్రేషయామాస సుగ్రీవం దూతం దేవ్యా మహాసురం

103.   ఇతిచేతిచ వక్తవ్యా సా గత్వా వచనం మమ :: యదాచాభ్యేతి సంప్రీత్యా తధాకార్యం త్వయా లఘు

104.   స తత్ర గత్వా యత్రాస్తే శైలోద్దేశే2తి శోభనే :: తాం చ దేవీం తతః ప్రాహ శ్లక్ష్ణం మధురయా గిరా

105.   ఓం క్లీం దూత ఉవాచ

106.   దేవి దైత్యేశ్వరః శుంభః త్రైలోక్యే పరమేశ్వరః :: దూతో2హం ప్రేషితస్తేన త్వత్ సకాశ మిహాగతః

107.   అవ్యాహతాజ్ఞ స్సర్వాసు యస్సదా దేవయోనిషు :: నిర్జితాఖిల దైత్యారిః స యదాహ శృణుష్వ తత్

108.   మమ త్రైలోక్య మఖిలం మమ దేవా వశానుగాః :: యజ్ఞభాగానహం సర్వాన్ ఉపాశ్నామి పృథక్ పృథక్

109.   త్రైలోక్యే వర రత్నాని మమవశ్యా న్యశేషతః :: తథైవ గజరత్నం చ హృతం దేవేంద్ర వాహనం

110.   క్షీరోదమధనోద్భూతం అశ్వరత్నం మమామరైః :: ఉచ్చైశ్రవస సంజ్ఞం తత్ ప్రణిపత్య సమర్పితం

111.   యాని చాన్యాని దేవేషు గంధర్వేషూరగేషుచ :: రత్నభూతాని భూతాని తాని మయ్యేవ శోభనే

112.   స్త్రీరత్నభూతాం త్వాందేవి లోకే మన్యామహే వయం :: సాత్వ మస్మా నుపాగచ్ఛ యతో రత్నభుజో వయం

113.   మాం వా మమానుజం వాపి నిశుంభమురువిక్రమం :: భజత్వం చంచలా2పాంగి రత్నభూతాసి వై యతః

114.   పరమైశ్వర్య మతులం ప్రాప్స్యసే మత్పరిగ్రహాత్ :: ఏతద్బుధ్యా సమాలోచ్య మత్పరిగ్రహతాం వ్రజ

115.   ఓం క్లీం ఋషిరువాచ

116.   ఇత్యుక్తా సా తదా దేవీ గంభీరాంతస్మితా జగౌ :: దుర్గా భగవతీ భద్రా యయేదం ధార్యతే జగత్

117.   ఓం క్లీం దేవ్యువాచ

118.   సత్యముక్తం త్వయా నాత్ర మిథ్యా కించిత్ త్వయోదితం :: త్రైలోక్యాధిపతి శ్శుంభః నిశుంభశ్చాపి తాదృశః

119.   కిం త్వత్ర యత్ప్రతిజ్ఞాతం మిథ్యా తత్క్రియతే కథం :: శ్రూయతా మల్పబుద్ధిత్వా ప్రతిజ్ఞా యా పురాకృతా

120.   యోమాం జయతి సంగ్రామే యో మే దర్పం వ్యపోహతి :: యో మే ప్రతిబలో లోకే స మే భర్తా భవిష్యతి

121.   తత్ ఆగచ్ఛతు శుమ్భోత్ర నిశుమ్భో వా మహాసురః :: మాం జిత్వా కిం చిరేణాత్ర పాణిం గృహ్ణాతు మే లఘు

122.   ఓం క్లీం దూత ఉవాచ

123.   అవలిప్తాసి మైవ త్వం దేవి బ్రూహి మమాగ్రతః :: త్రైలోక్యే కః పుమాన్ తిష్టేదగ్రే శుంభనిశుంభయోః

124.   అన్యేషామపి దైత్యానాం సర్వే దేవా న వై యుధి :: తిష్ఠంతి సంముఖే దేవి కిం పునః స్త్రీ త్వమేకికా

125.   ఇంద్రాద్యాః సకలా దేవాః తస్థుర్యేషాం న సంయుగే :: శుంభాదీనాం కథం తేషాం స్త్రీ ప్రయాస్యసి సంముఖం

126.   సాత్వం గచ్ఛ మయైవోక్తా పార్శ్వం శుంభనిశుంభయోః :: కేశాకర్షణ నిర్ధూత గౌరవా మాం గమిష్యసి

127.   ఓం క్లీం దేవ్యువాచ

128.   ఏవమేతత్ బలీ శుంభో నిశుంభ శ్చాతి వీర్యవాన్ :: కిం కరోమి ప్రతిజ్ఞా మే యదనాలోచితా పురా

129.   సత్వం గచ్ఛ మయోక్తం తే యదేతత్ సర్వమాదృతః :: త దాచక్ష్వ అసురేంద్రాయ స చ యుక్తం కరోతు తత్