Saptasathi Chapter 10

1. ఓం క్లీం ఋషిరువాచ

2. నిశుంభం నిహతం దృష్ట్వా భ్రాతరం ప్రాణ సమ్మితం :: హన్యమానం బలం చైవ శుంభః క్రుద్ధో2బ్రవీద్వచః

3. బలావలేపాత్ దుష్టే త్వం మా దుర్గే గర్వ మావహ :: అన్యేషాం బలమాశ్రిత్య యుద్ధ్యసే యాతిమానినీ

4. ఓం క్లీం దేవ్యువాచ

5. ఏకైవాహం జగత్యత్ర ద్వితీయా కా మమాపరా :: పశ్యైతా దుష్ట మయ్యేవ విశంత్యో మద్విభూతయః

6. తతస్సమస్తా స్తాదేవ్యో బ్రహ్మాణీ ప్రముఖా లయం :: తస్యా దేవ్యాః తనౌ జగ్ముః ఏకైవాసీ త్తదాంబికా

7. ఓం క్లీం దేవ్యువాచ

8. అహం విభూత్యా బహుభి రిహరూపై ర్యదాస్థితా :: తత్సంహృతం మయైకైవ తిష్ఠా మ్యాజౌ స్థిరో భవ

9. ఓం క్లీం ఋషిరువాచ

10.   తతః ప్రవవృతే యుద్ధం దేవ్యాశ్శుంభస్య చోభయోః :: పశ్యతాం సర్వ దేవానాం అసురాణాం చ దారుణం

11.   శరవర్షైః శితైశ్శస్తైః తథాస్త్రైశ్చైవ దారుణైః :: తయోర్యుద్ధ మభూద్భూయః సర్వలోక భయంకరం

12.   దివ్యాన్యస్త్రాణి శతశో ముముచే యాన్యథాంబికా :: బభంజ తాని దైత్యేంద్రః తత్ప్రతీఘాత కర్తృభిః

13.   ముక్తాని తేన చాస్త్రాణి దివ్యాని పరమేశ్వరీ :: బభంజ లీలయైవోగ్ర హుంకా రోచ్చారణాదిభిః

14.   తతశ్శర శతైర్దేవీం ఆచ్ఛాదయత సో2సురః :: సాపి తత్కుపితా దేవీ ధనుశ్చిచ్ఛేద చేషుభిః

15.   ఛిన్నే ధనుషి దైత్యేంద్రః తధా శక్తి మధాదదే :: చిచ్ఛేద దేవీ చక్రేణ తమప్యస్య కరేస్థితాం

16.   తతః ఖడ్గముపాదాయ శత చంద్రం చ భానుమత్ :: అభ్యధావత తాం దేవీం దైత్యానా మధిపేశ్వరః

17.   తస్యాపతత ఏవాశు ఖడ్గం చిచ్ఛేద చండికా :: ధనుర్ముక్తైః శితైర్బాణైః చర్మచార్క కరామలం

18.   అశ్వాంశ్చ పాతయామాస రధం సారధినా సహ :: హతాశ్వః స తదాదైత్యః ఛిన్న ధన్వా విసారధిః

19.   జగ్రాహ ముద్గరం ఘోర మంబికా నిధనోద్యతః :: చిచ్ఛేదాపతతస్తస్య ముద్గరం నిశితైశ్శరైః

20.   తథాపి సో2భ్యధావత్తాం ముష్టి ముద్యమ్య వేగవాన్ :: సముష్టిం పాతయామాస హృదయే దైత్య పుంగవః

21.   దేవ్యాః తంచాపి సా దేవీ తలే నోర స్యతాడయత్ :: తలప్రహారాభిహతో నిపపాత మహీతలే

22.   స దైత్యరాజస్సహసా పునరేవ తధోత్థితః :: ఉత్పత్య చ ప్రగృహ్యోచ్చైః దేవీం గగన మాస్థితః

23.   తత్రాపి సా నిరాధారా యుయుధే తేన చండికా

24.   నియుద్ధం ఖే తదా దైత్యః చండికా చ పరస్పరం :: చక్రతుః ప్రధమం సిద్ధ ముని విస్మయ కారకం

25.   తతో నియుద్ధం సుచిరం కృత్వా తేనాంబికా సహ :: ఉత్పాట్య భ్రమయామాస చిక్షేప ధరణీ తలే

26.   స క్షిప్తో ధరణీం ప్రాప్య ముష్టి ముద్యమ్య వేగవాన్ :: అభ్యధావత దుష్టాత్మా చండికా నిధనేచ్ఛయా

27.   తమాయాంతం తతో దేవీ సర్వ దైత్య జనేశ్వరం :: జగత్యాం పాతయామాస భిత్వా శూలేన వక్షసి

28.   స గతాసుః పపాతోర్వ్యాం దేవీ శూలాగ్రవిక్షతః :: చాలయన్ సకలాం పృధ్వీం సాబ్ధిద్వీపాం సపర్వతాం

29.   తతః ప్రసన్న మఖిలం హతే తస్మిన్ దురాత్మని :: జగత్స్వాస్థ్య మతీవాప నిర్మలం చాభవన్నభః

30.   ఉత్పాతమేఘా సోల్కా2యే ప్రాగాసంస్తే శమం యయుః :: సరితో మార్గవాహిన్యః తథాసంస్తత్ర పాతితే

31.   తతో దేవగణాస్సర్వే హర్ష నిర్భర మానసాః :: బభూవుర్నిహతే తస్మిన్ గంధర్వా లలితం జగుః

32.   అవాదయన్ తథైవాన్యే ననృతు శ్చాప్సరోగణాః :: వపుః పుణ్యాస్తథా వాతాః సుప్రభో2భూత్ దివాకరః

33.   జజ్వలు శ్చాగ్నయ శ్శాంతాః శాంతా దిగ్జనితా స్వనాః