saptasathi prathama charitra

ప్రధమ చరిత్ర

అస్య శ్రీ ప్రథమ చరిత్రస్య బ్రహ్మా ఋషిః గాయత్రీ ఛందః శ్రీ మహాకాళీ దేవతా నందా శక్తిః రక్తదంతికా బీజం అగ్నిః తత్త్వం ఋగ్వేదః స్వరూపం శ్రీ మహాకాళీ ప్రీత్యర్ధే (జపే) సప్తశతీ పాఠాంగత్వేన వినియోగః

ధ్యానం

ఖడ్గం చక్ర గదేషు చాప పరిఘా శూలం భుషుండీ శిరః

శంఖం సందధతీం కరైస్త్రినయనాం సర్వాంగ భూషావృతాం

నీలాశ్మ ద్యుతి మాస్య పాద దశకాం సేవే మహాకాళికాం

యామస్తౌ స్త్వపితే హరౌ కమలజో హంతుం మధుం కైటభం

ఐం కార బీజాధిష్టాత్ర్యై  శ్రీ మహాకాళ్యై నమః 

ఆహుతిం సమర్పయామి

ఓం నమశ్చండికాయై

1.       ఓం ఐం మార్కండేయ ఉవాచ

2.       సావర్ణి స్సుర్య తనయో యో మనుః కథ్యతే2ష్టమః :: నిశామయ తదుత్పత్తిం విస్తరాద్గదతో మమ

3.       మహా మాయానుభావేన యధా మన్వంతరాధిపః  :: స బభూవ మహాభాగ సావర్ణి స్తనయో  రవేః

4.       స్వారోచిషేం2తరే పూర్వం చైత్ర వంశ సముద్భవః :: సురధో నామ రాజా2భూత్సమస్తే క్షితి మండలే  

5.       తస్య పాలయతః సమ్యక్ ప్రజాః పుత్రాని వౌరసాన్ :: బభూవుః శత్రవో భూపాః కోలావిధ్వంసిన స్తదా  

6.       తస్య తై రభవద్యుద్ధ   మతి ప్రబల దండినః :: న్యూనైరపి స తైర్యుద్ధే కోలావిధ్వంసిభిర్జితః

7.       తతః స్వపుర మాయాతో నిజ దేశాధిపో2భవత్ :: ఆక్రాంత స్స మహాభాగ స్తైస్తదా ప్రబలారిభిః

8.       అమాత్యైర్బలిభి ర్దుష్టై ర్దుర్బలస్య దురాత్మభిః  :: కోశో బలం చాపహృతం తత్రాపి స్వపురే తతః

9.       తతో మృగయా వ్యాజేన హృత స్స్వామ్య స్సభూపతిః :: ఏకాకీ హయ మారుహ్య జగామ గహనం వనమ్

10.   స తత్రాశ్రమ మద్రాక్షీ ద్ద్విజ వర్యస్య మేధసః :: ప్రశాంత శ్వాపదాకీర్ణం ముని శిష్యోప శోభితం

11.   తస్థౌ కించిత్స కాలం చ మునినా తేన సత్కృతః :: ఇతశ్చేతశ్చ విచరం తస్మిన్ మునివరాశ్రమే

12.   సో2చింతయత్తదా   తత్ర మమత్వాకృష్ట చేతనః

13.   మత్పూర్వైః పాలితం పూర్వం మయా హీనం పురం హి తత్ :: మద్భృత్యై  స్తై రసద్వృత్తై ర్ధర్మతః పాల్యతే న వా

14.   న జానే స ప్రధానో మే శూరహస్తీ సదా మదః :: మమ వైరి వశం యాతః కా న్భోగా నుపలప్స్యతే

15.   యే మమానుగాతా నిత్యం ప్రసాదం ధన భొజనైః :: అనువృత్తిం ధృవంతే2ద్య కుర్వంత్యన్య మహీభృతాం 

16.   అసమ్యగ్వ్యయ శీలై స్తైః కుర్వద్భిః సతతం వ్యయం :: సంచితః సో2తి దుఃఖేన క్షయం కోశో గమిష్యతి 

17.   ఏతచ్చాన్యచ్చ సతతం చింతయామాస పార్ధివ :: తత్ర విప్రాశ్రమాభ్యాసే వైశ్యమేకం దదర్స  సః

18.   స పృష్ఠ స్తేన క స్త్వం భోః హేతు శ్చాగమనే2త్ర కః :: స శోక ఇవ కస్మా త్త్వం దుర్మనా ఇవ లక్ష్యసే

19.   ఇత్యాకర్ణ్య వచస్తస్య భూపతేః ప్రణయోదితమ్ :: ప్రత్యువాచ స తం వైశ్యః ప్రశ్రయా వనతో నృపమ్

20.   వైశ్య ఉవాచ

21.   సమాధిర్నామ వైశ్యో2హ ముత్పన్నో ధనినాం కులే :: పుత్రా దారైర్నిరస్తశ్చ ధనలోభా దసాధుభిః 

22.   విహీనశ్చ ధనైర్దారైః  పుత్రై రాదాయ మే ధనమ్ :: వనమభ్యాగతో దుఃఖీ నిరస్తశ్చాప్త బందుభిః

23.   సో2హం న వేద్మి  పుత్రాణాం కుశలాకుశాలాత్మికామ్ :: ప్రవృత్తిం స్వ జనానాంచ దారాణాం చాత్ర సంస్థితః

24.   కిం ను తేషాం గృహే క్షేమమక్షేమం కిం ను సాంప్రతం

25.   కథం తే కిం ను సద్వృత్తాః దుర్వృత్తాః కిం ను మే సుతాః

26.   ఓం ఐం రాజోవాచ

27.   యై ర్నిరస్తో భవా న్లుబ్ధైః పుత్ర దారాదిభి ర్ధనైః

28.   తేషు కిం భవతః స్నేహ మనుభద్నాతి మానసమ్

29.   ఓం ఐం వైశ్యోవాచ

30.   ఏవమేతద్యధా ప్రాహు భవానస్మద్గతం వచః :: కిం కరోమి న బధ్నాతి మమ నిష్టురతాం మనః

31.   యైః సంత్యజ్య పితృస్నేహం ధన లుబ్ధైః నిరాకృతః :: పతి స్స్వజన హార్దం చ హార్దితేష్వేవ మే మనః

32.   కిమేత న్నాభిజానామి జానన్నపి మహామతే :: యత్ప్రేమ ప్రవణం చిత్తం విగుణేష్వపి బంధుషు

33.   తేషాం కృతే మే నిశ్వాసో దౌర్మనస్యం చ జాయతే

34.   కరోమి కిం యన్న మనస్తే ష్వప్రీతిషు నిష్టురమ్

35.   ఓం ఐం మార్కండేయ ఉవాచ

36.   తతస్తౌ సహితౌ విప్ర తం మునిం సముపస్థితం

37.   సమాధిర్నామ వైశ్యో2సౌ స చ పార్ధివ సత్తమః :: కృత్వా తు తౌ యధా న్యాయం యథార్హం తేన సంవిదమ్

38.   ఉపవిష్టౌ కథాః కాశ్చి శ్చక్రతు ర్వైశ్యపార్ధివౌ

39.   ఓం ఐం రాజోవాచ

40.   భగవంస్త్వామహం   ప్రష్టుమిచ్ఛామ్యేకం వదస్వ తత్

41.   దుఃఖాయ యన్మే మనసః స్వచిత్తాయత్తతాం వినా

42.   జానతోపి యథాజ్ఞస్య కిమేత న్మునిసత్తమ 

43.   అయం చ నికృతః పుత్రైర్దారై ర్భృత్యై స్తథోంఙ్ఝితః :: స్వజనేన చ సంత్యక్త స్తేషు హార్దీ తథాప్యతి  

44.   ఏవమేష తథాహం చ ద్వావప్యత్యంత దుఃఖితౌ :: దృష్టదోషే2పి విషయే మమత్వాకృష్ట మానసౌ

45.   తత్కిమేతన్మహాభాగ యన్మోహో జ్ఞానినోరపి :: మమాస్య చ భవత్యేషా వివేకాంధస్య మూఢతా 

46.   ఓం ఐం ఋషిరువాచ

47.   జ్ఞానమస్తి సమస్తస్య జంతోర్విషయ గోచరే :: విషయశ్చ మహాభాగ యాతిచైవం పృథక్ పృథక్

48.   కేచిద్దివా తథా రాత్రౌ ప్రాణిన స్తుల్య దృష్టయః

49.   జ్ఞానినో మనుజా స్సత్యం కిం ను తేన హి కేవలం :: యతో హి జ్ఞానినః సర్వే పశు పక్షి మృగాదయః

50.   జ్ఞానంచ తన్మనుష్యాణాం యత్తేషాం మృగ పక్షిణాం :: మనుష్యాణాం చ యత్తేషాం తుల్య మన్య త్తథోభయోః

51.   జ్ఞానేపి సతి పశ్యైతా న్పతంగా ఞ్ఛాబ చంచుషు :: కణమోక్షాదృతా న్మోహా ద్పీడ్యమానా నపి క్షుధా

52.   మానుషా మనుజవ్యాఘ్ర సాభిలాషాః సుతాన్ ప్రతి :: లోభా త్ప్రత్యుపకారాయ నన్వేతాన్ కిం న పశ్యసి

53.   తథాపి మమతావర్తే మోహగర్తే నిపాతితాః :: మహామాయా ప్రభావేణ సంసార స్థితి కారణా

54.   తన్మాత్ర విస్మయః కార్యో యోగనిద్రా జగత్పతేః :: మహామాయా హరేశ్చైషా తయా సంమోహ్యతే జగత్

55.   జ్ఞానినామపి చేతాంసి దేవీ భగవతీ హి సా :: బలాదాకృష్య మోహాయ మహామాయా ప్రయచ్ఛతి

56.   తయా విసృజ్యతే సర్వం జగదేతత్చరాచరమ్ :: సైషా ప్రసన్నా వరదా నృణాం భవతి ముక్తయే

57.   సా విద్యా పరమా ముక్తే ర్హేతుభూతా సనాతనీ  

58.   సంసార బంధ హేతుశ్చ సైవ సర్వేశ్వరేశ్వరీ

59.   ఓం ఐం రాజోవాచ

60.   భగవాన్ కా హి సా దేవీ మహామాయేతి యాం భవాన్ :: బ్రవీతి కథ ముత్పన్నా సా కర్మాస్యాశ్చ కిం ద్విజ

61.   యత్ప్రభావా చ సా దేవీ యత్స్వరూపా యదుద్భవా

62.   తత్సర్వం శ్రోతు మిచ్ఛామి త్వత్తో బ్రహ్మవిదాం వర

63.   ఓం ఐం ఋషిరువాచ

64.   నిత్యైవ సా జగన్మూర్తిస్తయా సర్వమిదం తతం

65.   తథాపి తత్సముత్పత్తి ర్బహుధా శౄయతాం మమ

66.   దేవానాం కార్యసిద్ధ్యర్ధ మావిర్భవతి సా యదా :: ఉత్పన్నేతి తదా లోకే సా నిత్యాప్యభిదీయతే

67.   యోగానిద్రాం యదా విష్ణు ర్జగత్యేకార్ణవీ కృతే :: ఆస్తీర్య శేషమభజ త్కల్పాంతే భగవాన్ప్రభుః

68.   తదా ద్వావసురౌ ఘోరౌ విఖ్యాతౌ మధుకైటభౌ :: విష్ణు కర్ణమలోద్భూతౌ హంతుం బ్రహ్మాణ ముద్యతౌ

69.   స నాభి కమలే విష్ణోః స్థితో బ్రహ్మా ప్రజాపతిః :: దృష్ట్వా తావసురౌ చోగ్రౌ ప్రసుప్తం చ జనార్దనం

70.   తుష్టావ యోగానిద్రాం తామేకాగ్ర హృదయ స్థితః :: విబోధనార్దాయ హరేర్హరి నేత్ర కృతాలయాం

71.   విశ్వేశ్వరీం జగద్ధాత్రీం స్థితి సంహార కారిణీం :: నిద్రాం భగవతీం విష్ణోరతులాం తేజసః ప్రభుః

72.   ఓం ఐం బ్రహ్మోవాచ

73.    త్వం స్వాహా త్వం సుధా త్వం హి వషట్కారః స్వరాత్మికా :: సుధా త్వమక్షరే నిత్యం త్రిధా మాత్రాత్మికా స్థితా

74.   అర్ధమాత్రా స్థితా నిత్యా యానుచ్చార్యా విశేషతః :: త్వమేవ సంధ్యా సావిత్రీ త్వం వేదం జననీ పరా

75.   త్వయైతధార్యతే విశ్వం త్వయైత త్సృజ్యతే జగత్ :: త్వయైతత్పాల్యతే దేవీ త్వమత్స్యంతే చ సర్వదా

76.   విసృష్టౌ సృష్టి రూపా త్వం స్థితి రూపాచ పాలనే :: తథా సంహృతి రూపాంతే జగతో2స్య జగన్మయే

77.   మహావిద్యా(౧) మహామాయా(౨) మహామేధా (౩)మహాస్మృతిః(౪) :: మహామోహా(౫) చ భవతీ మహాదేవీ(౬) మహాసురీ (౭)

78.   ప్రకృతిస్త్వం హి సర్వస్య గుణత్రయ విభావినీ :: కాళరాత్రి ర్మహారాత్రి ర్మోహరాత్రిశ్చ దారుణా

79.   త్వం శ్రీ స్త్వమీశ్వరీ త్వం హ్రీ స్త్వంబుద్ధి ర్బోధలక్షణా :: లజ్జ పుష్టి స్తదా తుష్టి స్త్వం శాంతిః క్షాంతిరేవచ

80.   ఖడ్గినీ శూలినీ ఘోరా గదినీ చక్రిణీ తథా :: శంఖిణీ చాపినీ బాణ భుశుండీ పరిఘాయుధా

81.   సౌమ్యా సౌమ్యతరాశేష సౌమ్యేభ్యస్త్వతి సుందరీ :: పరాపరాణాం పరమా త్వమేవ పరమేశ్వరీ

82.   యచ్చ కించిద్జగద్వస్తు సదసద్వాఖిలాత్మికే :: తస్య సర్వస్య యా శక్తిః సా త్వం కిం స్తూయసే మయా

83.   యయా త్వయా జగత్స్రష్టా జగత్పాత్యత్తి యో జగత్ :: సో2పి నిద్రావశం నీతః క స్త్వాం స్తోతుమిహేశ్వరః           

84.   విష్ణుః శరీర గ్రహణ మహమీశాన మేవచ :: కారితాస్తే యతో2తస్త్వాం కః స్తోతుం శక్తిమా న్భవేత్ 

85.   సా త్వమిత్థం ప్రభావై స్వై రుదారైర్దేవి సంస్తుతా :: మోహయైతౌ దురాధర్షా వసురౌ మధుకైటభౌ

86.   ప్రబోధం చ జగత్స్వామీ నీయతా మచ్యుతో లఘు

87.   బోధశ్చ క్రియతా మస్య హంతుమేతౌ మహాసురౌ

88.   ఓం ఐం ఋషిరువాచ

89.   ఏవం స్తుతా తదా దేవీ తామసీ తత్ర వేధసా :: విష్ణోః ప్రబోధనార్ధాయ నిహంతుం మధుకైటభౌ

90.   నేత్రా స్య నాసికా బాహు హృదయేభ్య స్తధోరసః :: నిర్గమ్య దర్శనే తస్థౌ బ్రహ్మణో2వ్యక్త జన్మనః

91.   ఉత్తస్థౌ చ జగన్నాధ స్తయా ముక్తో జనార్దనః :: ఏకార్ణవే అహిశయనా త్తతః స దదృశే చ తౌ

92.   మధుకైటభౌ దురాత్మానా వతివీర్య పరాక్రమౌ :: క్రోధ రక్తేక్షణావత్తౌ బ్రహ్మాణం  జనితోద్యమౌ

93.   సముత్థాయ తతస్తాభ్యాం యుయుధే భగవాన్ హరిః :: పంచవర్ష సహస్రాణి బాహు ప్రహరణో విభుః

94.   తావప్యతి బలోన్మత్తౌ మహామాయా విమోహితౌ

95.   ఉక్తవంతౌ వరో2స్స్మత్తో వ్రియతామితి కేశవమ్

96.   ఓం ఐం శ్రీ భగవానువాచ

97.   భవేతా మద్య మే తుష్టౌ మమ వధ్యావుభావపి       

98.   కిమన్యేన వరేణాత్ర ఏతావద్ధి వృతం మయా

99.   ఓం ఐం ఋషిరువాచ

100.         వంచితాభ్యామితి తదా సర్వమాపోమయ మిదం జగత్ :: విలోక్య తాభ్యాం గదితో భగవాన్ కమలేక్షణః

101.         ఆవాం జహి న యత్రోర్వీ సలిలేన పరిప్లుతా

102.         ఓం ఐం ఋషిరువాచ

103.         తధేత్యుక్త్వా భగవతా శంఖ చక్ర గదాభృతా :: కృత్వా చక్రేణ వై ఛిన్నే జఘనే శిరసీ తయోః

104.         ఏవమేషా సముత్పన్నా బ్రహ్మణా సంస్తుతా స్వయమ్ :: ప్రభావమస్యా దేవ్యాస్తు భూయః శృణు వదామి తే

ఐం ఓం

శ్రీ మార్కండేయ పురాణే సావర్ణికే మన్వంతరే దేవీ మాహాత్మ్యే ప్రధమః    

ఉవాచ మంత్రాః ౧౪

అర్థ శ్లోక మంత్రాః ౨౪

శ్లోక మంత్రాః ౬౬

ఏవం మంత్రాః ౧౦౪