Saptasathi Chapter 9

1.    ఓం క్లీం రాజోవాచ

2.    విచిత్రమిద మాఖ్యాతం భగవన్ భవతా మమ :: దేవ్యాశ్చరితమాహాత్మ్యం రక్తబీజ వధాశ్రితం

3.    భూయ శ్చేచ్ఛామ్యహం శ్రోతుం రక్తబీజే నిపాతితే :: చకార శుంభో యత్కర్మ నిశుంభశ్చాతి కోపనః

4.    ఓం క్లీం ఋషిరువాచ

5.    చకార కోపమతులం రక్తబీజే నిపాతితే :: శుంభాసురో నిశుంభశ్చ హతేష్వన్యేషు చాహవే

6.    హన్యమానం మహాసైన్యం విలోక్యామర్ష పూరయన్ :: అభ్యధావన్నిశుంభో2ధ ముఖ్యయాసురసేనయా

7.    తస్యాగ్రతస్తథా పృష్టే పార్శ్వయోశ్చ మహాసురాః :: సందష్టౌష్టపుటాః క్రుద్ధా హంతుం దేవీ ముపాయయుః

8.    ఆజగామ మహావీర్యః శుంభో2పి స్వబలైః వృతః :: నిహంతుం చండికా కోపాత్ కృత్వా యుద్ధంతు మాతృభిః

9.    తతో యుద్ధ మతీవాసీత్ దేవ్యాః శుంభనిశుంభయోః :: శరవర్షమతీవోగ్రం మేఘయోరివ వర్షతోః

10.   చిచ్ఛేదాస్తాన్ శరాన్ తాభ్యాం చండికా స్వ శరోత్కరైః :: తాడయామాస చాంగేషు శస్త్రౌఘై రసురేశ్వరౌ

11.   నిశుంభో నిశితం ఖడ్గం చర్మమాదాయ సుప్రభం :: అతాడయన్మూర్ధ్ని సింహం దేవ్యావాహన ముత్తమం

12.   తాడితే వాహనే దేవీ క్షురప్రేణాసి ముత్తమం :: నిశుంభస్యాశు చిచ్ఛేద చర్మచాప్యష్ట చంద్రకం

13.   ఛిన్నే చర్మణి ఖడ్గేచ శక్తిం చిక్షేప సో2సురః :: తామప్యస్య ద్విధా చక్రే చక్రేణాభిముఖాగతాం

14.   కోపాధ్మాతో నిశుంభోధ శూలం జగ్రాహ దానవః  :: ఆయాంతం ముష్టిపాతేన దేవీ తచ్చా ప్యచూర్ణయత్

15.   ఆవివ్యాధ గదాంసో2పి చిక్షేప చండికాం ప్రతి :: సా2పి దేవ్యా త్రిశూలేన భిన్నా భస్మత్వమాగతా

16.   తతః పరశు హస్తంతం ఆయాంతం దైత్యపుంగవం :: ఆహత్య దేవీ బాణౌఘైః అపాతయత భూతలే

17.   తస్మిన్ నిపతితే భూమౌ నిశుంభే భీమవిక్రమే :: భ్రాతర్యతీవ సంక్రుద్ధః ప్రయయౌ హంతుమంబికాం

18.   స రధస్థః తధాత్యుచ్చైః గృహీత పరమాయుధైః  :: భుజైరష్టాభి రతులైః వ్యాప్యాశేషం బభౌ నభః

19.   తమాయాంతం సమాలోక్య దేవీ శంఖ మవాదయత్ :: జ్యా శబ్దం చాపి ధనుషః చకారాతీవ దుస్సహం

20.   పూరయామాస కకుభో నిజఘంటా స్వనేన చ :: సమస్త దైత్యసైన్యానాం తేజోవధ విధాయినా

21.   తతస్సింహో మహానాదైః త్యాజితేభ మహామదైః :: పూరయామాస గగనం గాం తధైవ దిశోదశ

22.   తతః కాళీ సముత్పత్య గగనం క్ష్మా మతాడయత్ :: కరాభ్యాం తన్నినాదేన ప్రాక్స్వనా తే తిరోహితాః     

23.   అట్టాట్టహాస మశివం శివదూతీ చకారహ :: తైశ్శబ్దైరసురాః త్రేసుః శుంభః కోపం పరం యయౌ

24.   దురాత్మన్ తిష్ఠ తిష్ఠేతి వ్యాజహారాంబికా యదా :: తదా జయేత్యభిహితం దేవైరాకాశ సంస్థితైః

25.   శుంభే నాగత్య యా శక్తిః ముక్తా జ్వాలాతి భీషణా :: ఆయాంతీ వహ్ని కూటాభా సా నిరస్తా మహోల్కయా

26.   సింహనాదేన శుంభస్య వ్యాప్తం లోకత్రయాంతరం :: నిర్ఘాత నిస్వనో ఘోరో జితవా నవనీపతే

27.   శుంభముక్తాన్ శరాన్ దేవీ శుంభః తత్ప్రహితాన్ శరాన్ :: చిచ్ఛేద స్వశరైరుగ్రైః శతశో2ధ సహస్రశః

28.   తతస్సా చండికా కృద్ధా శూలేనాభిజఘాన తం :: స తదాభిహతో భూమౌ మూర్ఛితో నిపపాతహ

29.   తతో నిశుంభో సంప్రాప్య చేతనా మాత్త కార్ముకః :: ఆజఘాన శరైర్దేవీం కాళీం కేసరిణం తధా

30.   పునశ్చ కృత్వా బాహూనా మయుతం దనుజేశ్వరః :: చక్రాయుతేన దితిజః ఛాదయామాస చండికాం

31.   తతో భగవతీ కృద్ధా దుర్గా దుర్గార్తి నాశినీ :: చిచ్ఛేద తాని చక్రాణి స్వశరైస్సాయకాంశ్చ తాన్

32.   తతో నిశుంభో వేగేన గదామాదాయ  చండికాం :: అభ్యధావత వై హంతుం దైత్యసేనా సమావృతః

33.   తస్యాపతత ఏవాశు గదాం చిచ్ఛేద చండికా :: ఖడ్గేన శితధారేణ స చ శూలం సమాదదే

34.   శూలహస్తం సమాయాంతం నిశుంభ మరిమర్దనం :: హృది వివ్యాధ శూలేన వేగావిద్ధేన చండికా

35.   భిన్నస్య తస్య శూలేన హృదయాన్నిశ్రుతో2 పరః :: మహాబలో మహావీర్యః తిష్టేతి పురుషో వదన్

36.   తస్య నిష్క్రామతో దేవీ ప్రహస్య స్వన వత్తతః :: శిరశ్చిచ్ఛేద ఖడ్గేన తతో2సా వపత ద్భువి

37.   తతస్సింహశ్చఖాదోగ్ర దంష్ట్రా క్షుణ్ణశిరోధరాన్ :: అసురాన్ తాన్తధా కాళీ శివదూతీ తధాపరాన్

38.   కౌమారీ శక్తి నిర్భిన్నాః కేచిన్నేశు ర్మహాసురాః :: బ్రహ్మాణీ మంత్రపూతేన తోయేనాన్యే నిరాకృతాః

39.   మాహేశ్వరీ త్రిశూలేన భిన్నాః పేతుస్తథాపరే :: వారహీ తుండ ఘాతేన కేచిత్చూర్ణీకృతా భువి

40.   ఖండం ఖండం చ చక్రేణ వైష్ణవ్యా దానవాః కృతాః :: వజ్రేణ చైంద్రీహస్తాగ్ర విముక్తేన తథా పరే

41.   కేచిత్ వినేశు రసురాః కేచిన్నష్టా మహాహవాత్ :: భక్షితాశ్చాపరే కాళీ శివదూతీ మృగాధిపైః