saptasathi chapter 7

1.    ఓం క్లీం ఋషిరువాచ

2.    ఆజ్ఞప్తా స్తే తతో దైత్యాః చండ ముండ పురోగమాః :: చతురంగ బలోపేతా యాయు రభ్యుద్ధతాయుధాం

3.    దదృశు స్తే తతో దేవీం ఈషద్ధాసాం వ్యవస్థితాం :: సింహస్యోపరి శైలేంద్ర శృంగే మహతి కాంచనే

4.    తే దృష్ట్వా తాం సమాదాతుం ఉద్యమం చక్రు రుద్యతాః :: ఆకృష్టచాపాసిధరాః తథాన్యే తత్సమీపగాః

5.    తతః కోపం చకారోచ్చైః అంబికా తానరీన్ ప్రతి :: కోపేన చాస్యా వదనం మషీవర్ణ మభూత్తదా

6.    భ్రుకుటీకుటిలా త్తస్యాః లలాటఫలకాత్ ద్రుతం :: కాళీ కరాళ వదనా వినిష్క్రాంతా2సిపాశినీ

7.    విచిత్ర ఖట్వాంగధరా నరమాలా విభూషణా :: ద్వీపిచర్మ పరీధానా శుష్క మాంసాతి భైరవా

8.    అతివిస్తార వదనా జిహ్వా లలన భీషణా :: నిమగ్నా రక్తనయనా నాదాపూరిత దిఙ్ముఖా

9.    సా వేగే నాభిపతితా ఘాతయంతీ మహాసురాన్ :: సైన్యే తత్ర సురారీణా మభక్షయత తద్బలం

10.పార్ష్ణిగ్రాహాంకుశ గ్రాహి యోధఘంటా సమన్వితాన్ :: సమాదాయైక హస్తేన ముఖే చిక్షేప వారణాన్

11.తధైవ యోధం తురగౌ రధం సారధినా సహ :: నిక్షిప్య వక్త్రే దశనే చర్వయంత్యతి భైరవం

12.ఏకం జగ్రాహ కేశేషు గ్రీవాయా మధ చాపరం :: పాదేనాక్రమ్య చైవాన్యం ఉరసాన్య మపోధయత్

13.తైర్ముక్తానిచ శస్త్రాణి మహాస్త్రాణి తథాసురైః :: ముఖేన జగ్రాహ రుషా దశనైర్మధితాన్యపి

14.బలినాం తద్బలం సర్వ మసురాణాం నిపాతితం :: మమర్దా భక్షయచ్చాన్యాన్ అన్యాం శ్చాత్తాడయత్తదా

15.అసినా నిహతః కేచిత్ కేచిత్ ఖట్వాంగ తాడితాః :: జగ్ముర్వినాశ మసురా దంతాగ్రాభిహతా స్తదా

16.క్షణేన తద్బలం సర్వం అసురాణాం నిపాతితం :: దృష్ట్వా చండో2భిదుద్రావ తాం కాళీ మతిభీషణాం

17.శరవర్షైః మహాభీమైః భీమాక్షీం తాం మహాసురః :: ఛాదయామాస చక్రైశ్చ ముండః క్షిప్తైః సహస్రశః

18.తాని చక్రాణి అనేకాని విశమానాని తన్ముఖం :: బభుర్యధార్క బింబాని సుబహూని ఘనోదరం

19.తతో జహాసాతి రుషా భీమం భైరవనాదినీ :: కాళీ కరాళ వక్త్రాంత ర్దుర్దర్శ దశనోజ్జ్వలా

20.ఉత్థాయ చ మహాసింహం దేవీ చండ మధావత :: గృహీత్వా చాస్య కేశేషు శిరస్తేనాసినా చ్ఛినత్

21.అధ ముండో2భ్యధావత్తాం దృష్ట్వా చండం నిపాతితం :: త మ ప్యపాతయ ద్భూమౌ సా ఖడ్గాభిహతా రుషా

22.హత శేషం తతస్సైన్యం దృష్ట్వా చండంనిపాతితం :: ముండం చ సుమహావీర్యం దిశో భేజే భయాతురం

23.శిరశ్చండస్య కాళీ చ గృహీత్వా ముండమేవచ :: ప్రాహ ప్రచండాట్టహాస మిశ్ర మభ్యేత్త చండికాం

24.మయా తవాత్రోపహృతౌ చండముండౌ మహాపశూ :: యుద్ధయజ్ఞే స్వయం శుంభంనిశుంభం చ హనిష్యసి

25.ఓం క్లీం ఋషిరువాచ

26.తావానీతౌ తతో దృష్ట్వా చండ ముండౌ మహాసురౌ :: ఉవాచ కాళీం కళ్యాణీం లలితం చండికా వచః

27.యస్మాచ్చండంచ ముండం చ గృహీత్వా త్వ ముపాగతా :: చాముండేతి తతో లోకే ఖ్యాతా తవ భవిష్యసి