ప్రాధానిక రహస్యం
1.
భగవన్నవతారా మే చండికాయాః త్వయోదితాః :: ఏతేషాం
ప్రకృతిం బ్రహ్మన్ ప్రధానం వక్తుమర్హసి
2.
ఆరాధ్యం యన్మయా దేవ్యాః స్వరూపం యేన తద్విజ
::విధినా బ్రూహి సకలం యధావత్ ప్రణతస్య మే
ఋషిరువాచ
3.
ఇదం రహస్యం పరమం అనాఖ్యేయం ప్రచక్షతే ::
భక్తోసీతి నమే కించిత్ తవావాచ్యం నరాధిప
4.
సర్వస్యాద్యా మహాలక్ష్మీ త్రిగుణా పరమేశ్వరీ ::
లక్ష్యాలక్ష్య స్వరూపా సా వ్యాప్య కృత్స్నం వ్యవస్థితా
5.
మాతులింగం గదాం ఖేటం పానపాత్రం చ బిభ్రతీ :: నాగం
లింగం చ యోనిం చ బిభ్రతీ నృప మూర్ధని
6.
తప్త కాంచన వర్ణాభా తప్త కాంచన భూషణా :: శూన్యం
తదఖిలం లోకం పూరయామాస తేజసా
7.
శూన్యం తదఖిలం లోకం విలోక్య పరమేశ్వరీ :: బభార
రూప మపరం తమసా కేవలేన హి
8.
సా భిన్నాంజన సంకాశా దంష్ట్రాంచిత వరాననా :: విశాల
లోచనా నారీ బభూవ తనుమధ్యమా
9.
ఖడ్గపాత్ర శిరః ఖేటై రలంకృత చతుర్భుజా :: కబంధహార
మురసా బిభ్రాణాహి శిరస్రజం
10.
తాం ప్రోవాచ మహాలక్ష్మీః తామసీం ప్రమదోత్తమాం ::
దదామి తవ నామాని యాని కర్మాణి తాని తే
11.
మహామాయా మహాకాళీ మహామారీ క్షుధా తృషా :: నిద్రా
తృష్ణా చైకవీరా కాళరాత్రిః దురత్యయా
12.
ఇమాని తవ నామాని ప్రతిపాద్యాని కర్మభిః :: ఏభిః
కర్మాణి తే జ్ఞాత్వా యో2ధీతే సో2శ్నుతే సుఖం
13.
తామిత్యుక్త్వా మహాలక్ష్మీః స్వరూప మపరం నృప ::
సత్వాఖ్యేనాతి శుద్ధేన గుణేనేందు ప్రభం దదౌ
14.
అక్షమాలాంకుశధరా వీణాపుస్తక ధారిణీ :: సా బభూవ
వరా నారీ నామా న్యస్యైచ సా దదౌ
15.
మహావిద్యా మహావాణీ భారతీ వాక్సరస్వతీ :: ఆర్యా
బ్రాహ్మీ కామధేనుః వేదగర్భాచ ధీశ్వరీ
16.
అధోవాచ మహాలక్ష్మీః మహాకాళీం సరస్వతీం :: యువాం
జనయతాం దేవ్యౌ మిధునే స్వానురూపతః
17.
ఇత్యుక్త్వా తే మహాలక్ష్మీః ససర్జ మిధునం స్వయం
:: హిరణ్యగర్భౌ రుచిరౌ స్త్రీ పుంసౌ
కమలాసనౌ
18.
బ్రహ్మన్ విధే విరించేతి ధాత రిత్యాహ తం నరం ::
శ్రీః పద్మే కమలే లక్ష్మీ త్యాహ మాతాచ తాం స్త్రియం
19.
మహాకాళీ భారతీ చ మిధునే సృజతస్సహ :: ఏతయోరపి
రూపాణి నామాని చ వదామి తే
20.
నీలకంఠం రక్తబాహుం శ్వేతాంగం చంద్రశేఖరం ::
జనయామాస పురుషం మహాకాళీ సితాం స్త్రియం
21.
స రుద్రశ్శంకరః స్థాణుః కపర్దీ చ త్రిలోచనః :: త్రయీ
విద్యా కామధేనుః సా స్త్రీ భాషాక్షరా స్వరా
22.
సరస్వతీ స్త్రియం గౌరీం కృష్ణం చ పురుషం నృప :: జనయామాస
నామాని తయోరపి వదామి తే
23.
విష్ణుః కృష్ణో హృషీకేశో వాసుదేవో జనార్దనః :: ఉమాగౌరీ
సతీ చండీ సుందరీ సుభగా శుభా
24.
ఏవం యువతయః సద్యః పురుషత్వం ప్రపేదిరే ::
చక్షుష్మంతో2నుపశ్యంతి నేతరే2తద్విదో
జనాః
25.
బ్రహ్మణే ప్రదదౌ పత్నీం మహాలక్ష్మీః నృప త్రయీం
:: రుద్రాయ గౌరీం వరదాం వాసుదేవాయచ శ్రియం
26.
స్వరయా సహ సంభూయ విరించో2౦డ
మజీజనత్ :: బిభేద భగవాన్ రుద్రః తద్గౌర్యాసహ వీర్యవాన్
27.
అండమధ్యే ప్రధానాది కార్యజాత మభూన్నృప ::
మహాభూతాత్మకం సర్వం జగత్స్థావర జంగమం
28.
పుపోష పాలయామాస తల్లక్ష్మ్యా సహ కేశవః ::
మహాలక్ష్మీ రేవరజా రాజ న్సర్వేశ్వరేశ్వరీ
29.
నిరాకారా చ సాకారా సైవనానాభిదా2భవత్ :: నామాంతరై ర్నిరూప్యైషా నామ్నా నాన్యేన
కేనచిత్
శ్రీ మార్కండేయ పురాణే ప్రాధానికం రహస్యం
వైకృతిక రహస్యం
ఋషిరువాచ
1.
త్రిగుణా తామసీ దేవీ సాత్వికీ యా త్రిధోదితా ::
సా శర్వా చండికా దుర్గా భద్రా భగవతీర్యతే
2.
యోగనిద్రా హరేరుక్తా మహాకాళీ తమోగుణా :: మధుకైటభ
నాశార్ధం యాం తుష్టావాంబుజాసనః
3.
దశ వక్త్రా దశభుజా దశపాదాంజనప్రభా :: విశాలయా
రాజమానా త్రింశల్లోచన మాలయా
4.
స్ఫురద్దశన దంష్ట్రా సా భీమరూపాహి భూమిప ::
రూపసౌభాగ్య కాంతీనాం సా ప్రతిష్టా మహాశ్రియం
5.
ఖడ్గబాణ గదాశూల శంఖ చక్ర భుశుండి భృత్ :: పరిఘం
కార్ముకం శీర్షం నిశ్చోతద్రుధిరం దధౌ
6.
ఏషా సా వైష్ణవీ మాయా మహాకాళీ దురత్యయా :: ఆరాధితా
వశీకుర్యాత్ పూజకర్తుశ్చరాచరం
7.
సర్వదేవ శరీరేభ్యో యా2విర్భూతా2మితప్రభా
:: త్రిగుణా సా మహాలక్ష్మీః సాక్షాన్మహిష మర్దినీ
8.
శ్వేతాననా నీలభుజా సుశ్వేత స్తనమండలా :: రక్తమధ్యా
రక్తపాదా నీలజంఘోరురున్మదా
9.
సుచిత్ర జఘనా చిత్రమాల్యాంబర విభూషణా :: ::
చిత్రానులేపనా కాంతి రూప సౌభాగ్య శాలినీ
10.
అష్టాదశభుజాపూజ్యా సా సహస్రభుజా సతీ :: ఆయుధాన్యత్ర
వక్ష్యంతే దక్షిణాధః కరక్రమాత్
11.
అక్షమాలా చ కమలం బాణో2సిః
కులిశం గదా :: చక్రం త్రిశూలం పరశుః శంఖో ఘంటా చ పాశకః
12.
శక్తి ర్దండ శ్చర్మ చాపం పానపాత్రం కమండలుః ::
అలంకృతభుజామేభి రాయుధైః కమలాసనాం
13.
సర్వదేవమయీమీశాం మహాలక్ష్మీ మిమాం నృప ::
పూజయేత్సర్వదేవానాం సలోకానాం ప్రభుర్భవేత్
14.
గౌరీ దేహాత్సముద్భూతా యా సత్వైక గుణాశ్రయా ::
సాక్షాత్సరస్వతీ ప్రోక్తా శుంభాసుర నిబర్హిణీ
15.
దధౌ చాష్ట భుజా బాణ ముసలే శూలచక్రభృత్ :: శంఖం
ఘంటాం లాంగలంచ కార్ముకం వసుధాధిప
16.
ఏషా సంపూజితా భక్త్యా సర్వజ్ఞత్వం ప్రయచ్ఛతి :: నిశుంభమధనీ
దేవీ శుంభాసుర నిబర్హిణీ
17.
ఇత్యుక్తాని స్వరూపాణి మూర్తీనాం తవ పార్ధివ :: ఉపాసనం
జగన్మాతుః పృధగాసాం నిశామయ
18.
మహాలక్ష్మీర్యదా పూజ్యా మహాకాళీ సరస్వతీ :: దక్షిణోత్తరయోః పూజ్యే పృష్ఠతో మిధున త్రయం
19.
విరించిః స్వరయా రుద్రో గౌర్యా చ దక్షిణే :: వామే
లక్ష్మ్యా హృషీకేశః పురతో దేవతాత్రయం
20.
అష్టాదశ భుజా మధ్యే వామే చాస్యా దశాననా :: దక్షిణేష్టభుజా
లక్ష్మీః మహతీతి సమర్చయేత్
21.
అష్టాదశాభుజా చైషా యదా పూజ్యా నరాధిప :: దశాననా
చాష్టభుజా దక్షిణోత్తరయో స్తదా
22.
కాలమృత్యూ చ సంపూజ్యౌ సర్వారిష్ట ప్రశాంతయే :: యదాచాష్టభుజా
పూజ్యా శుంభాసుర నిబర్హిణీ
23.
నవాస్యాశ్శక్తయః పూజ్యాః తదా రుద్రా వినాయకౌ ::
నమోదేవ్యా ఇతి స్తొత్రైః మహాలక్ష్మీం సమర్చయేత్
24.
అవతార త్రయార్చాయాం స్తోత్రమంత్రా స్తదాశ్రయాః ::
అష్టదశభుజాచైషా పూజ్యా మహిషమర్దినీ
25.
మహాలక్ష్మీర్మహాకాళీ సైవప్రోక్తా సరస్వతీ :: ఈశ్వరీ
పుణ్యపాపానాం సర్వలోక మహేశ్వరీ
26.
మహిషాంతకరీ యేన పూజితా స జగత్ప్రభుః :: పూజయేజ్జగతాం
ధాత్రీం చండికాం భక్తవత్సలాం
27.
అర్ఘ్యాదిభి రలంకారైః గంధపుష్పైస్తదాక్షతైః ::
ధూపైర్దీపైశ్చ నైవేద్యైః నానాభక్ష్య సమన్వితైః
28.
రుధిరాక్తేన బలినా మాంసేన సురయా నృప ::
ప్రణామాచమనీయేన చందనేన సుగంధినా
29.
స కర్పూరైశ్చ తాంబూలైః భక్తిభావ సమన్వితైః ::
వామభాగాగ్రతో దేవ్యాః ఛిన్నశీర్షం మహాసురం
30.
పూజయేన్మహిషం యేన ప్రాప్తం సాయుజ్య మీశయా ::
దక్షిణే పురతస్సింహం సమగ్రం ధర్మమీశ్వరం
31.
వాహనం పూజయేద్దేవ్యా ధృతం యేన చరాచరం :: తతః
కృతాంజలిర్భూత్వా స్తువీత చరితైరిమైః
32.
ఏకేనవా మధ్యమేన నైకేనే తరయో రిహ :: చరితార్ధంతు
నజపేత్ జపన్ ఛిద్ర మవాప్నుయాత్
33.
స్తోత్రమంత్రైః స్తువీతేమాం యదివా జగదంబికాం ::
ప్రదక్షిణ నమస్కారాన్ కృత్వామూర్ధ్ని కృతాంజలిః
34.
క్షమాపయే జ్జగద్ధాత్రీం ముహుర్ముహు రతంద్రితః :: ప్రతిశ్లోకం
చ జుహుయాత్ పాయసం తిల సర్పిషా
35.
జుహుయా త్స్తోత్ర మంత్రైర్వా చండికాయై శుభం హవిః
:: నమోనమః పదైర్దేవీం పూజయేత్సుసమాహితః
36.
ప్రయతః ప్రాంజలిం ప్రహ్వః ప్రణమ్యారోప్యచాత్మని
:: సుచిరం భావయేదీశాం చండికాం తన్మయో భవేత్
37.
ఏవం యః పూజయేత్ భక్త్యా ప్రత్యహం పరమేశ్వరీం :: భుక్త్వా భోగాన్యధా కామం దేవీసాయుజ్య మాప్నుయాత్
38.
యో నపూజయతే నిత్యం చండికాం భక్తవత్సలాం ::
భస్మీకృత్యాస్య పుణ్యాని నిర్దహేత్ పరమేశ్వరీ
39.
తస్మాత్ పూజయ భూపాల సర్వలోక మహేశ్వరీం ::
యధోక్తేన విధానేన చండికాం సుఖమాప్స్యసి
శ్రీ మార్కండేయ పురాణే వైకృతికం రహస్యం
మూర్తి రహస్యం
ఋషిరువాచ
1.
నందా భగవతీ నామ యా భవిష్యతి నందజా :: సా స్తుతా
పూజితా యస్య వశీకుర్యాజ్జగత్త్రయం
2.
కనకోత్తమ కాంతిస్సా సుకాంతి కనకాంబరా :: దేవీ
కనకవర్ణాభా కనకోత్తమ భూషణా
3.
కమలాంకుశ పాశాబ్జైః అలంకృత చతుర్భుజా :: ఇందిరా
కమలా లక్ష్మీః సా శ్రీ రుక్మాంబుజాసనా
4.
యా రక్త దంతికా నామ దేవీ ప్రోక్తా మయానఘ ::
తస్యాః స్వరూపం వక్ష్యామి శృణు సర్వభయాపహం
5.
రక్తాంబరా రక్తవర్ణా రక్తసర్వాంగ భూషణా ::
రక్తాయుధా రక్తనేత్రా రక్తకేశాతి భీషణా
6.
రక్తతీక్ష్ణనఖా రక్తదశనా రక్తదంతికా :: పతిం నారీ
వానురక్తా దేవీ భక్తం భజేజ్జనం
7.
వసుధేవ విశాలా సా సుమేరు యుగళస్తనీ :: దీర్ఘౌ
లంబౌ అతిస్థూలౌ తావతీవ మనోహరౌ
8.
కర్కశా వతి కాంతౌ తౌ సర్వానంద పయోనిధి :: భక్తాన్
సంపాయయేద్దేవీ సర్వకామదుఘౌ స్తనౌ
9.
ఖడ్గం పాత్రం చ ముసలం లాంగలం చ బిభర్తి సా ::
ఆఖ్యాతా రక్తచాముండా దేవీ యోగేశ్వరీతి చ
10.
అనయా వ్యాప్త మఖిలం జగత్స్థావర జంగమం :: ఇమాం యః
పూజయేత్ భక్త్యా స వ్యాప్నోతి చరాచరం
11.
అధీతే య ఇమం నిత్యం రక్తదంత్యా వపుస్తవం :: తం సా
పరిచరేద్దేవీ పతిం ప్రియమివాంగనా
12.
శాకంభరీ నీలవర్ణా నీలోత్పల విలోచనా ::
గంభీరనాభిస్త్రివళీ విభూషిత తనూదరీ
13.
సుకర్కశ సమోత్తుంగ వృత్తపీన ఘనస్తనీ :: ముష్టిం
శాలిముఖైః పూర్ణం కమలం కమలాలయా
14.
పుష్పపల్లవ మాలాది ఫలాఢ్యం శాక సంచయం ::
కామ్యానంతర సైర్యుక్తం క్షుతృణ్మృత్యు భయాపహం
15.
కార్ముకం చ స్ఫురత్కాంతి భిభ్రతీ పరమేశ్వరీ :: శాకంభరీ
శతాక్షీ సా సైవ దుర్గా ప్రకీర్తితా
16.
విశోకా దుష్టదమనీ శమనీ దురితాపహా :: ఉమాగౌరీ సతీ
చండీ కాళికా సాపి పార్వతీ
17.
శాకంభరీం స్తువన్ ధ్యాయన్ జపన్ సంపూజయన్నమన్ ::
అక్షయ్యమశ్నుతే శీఘ్ర మన్నపానామృతం ఫలం
18.
భీమాపి
నీలవర్ణా సా దంష్ట్రా దశన భాసురా :: విశాల లోచనా నారీ వృత్తపీన పయోధరా
19.
చంద్రహాసంచ డమరుం శిరః పాత్రం చ బిభ్రతీ ::
ఏకవీరా కాళరాత్రిః సైవోక్తా కామదా స్తుతా
20.
తేజోమండల దుర్ధర్షా భ్రామరీ చిత్రకాంతిభృత్ :: చిత్రానులేపనా
దేవీ చిత్రాభరణ భూషితా
21.
చిత్రభ్రమర పాణిస్సా మహామారీతి గీయతే :: ఇత్యేతా
మూర్తయో దేవ్యా వ్యాఖ్యాతా వసుధాధిప
22.
జగన్మాతుః చండికాయాః కీర్తితాః కామధేనవః :: ఇదం
రహస్యం పరమం నవాచ్యం కస్యచిత్త్వయా
23.
ఆఖ్యానం దివ్యమూర్తీనాం అభీష్ట ఫలదాయకం ::
తస్మాత్ సర్వప్రయత్నేన దేవీం జప నిరంతరం
24.
సప్తజన్మార్జితై ర్ఘోరైః బ్రహ్మహత్యా సమైరపి ::
పాఠమాత్రేణ మంత్రాణాం ముచ్యతే సర్వకిల్బిషైః
25.
దేవ్యా ధ్యానం మయాఖ్యాతం గుహ్యాద్గుహ్యతరం మహత్
:: తస్మాత్ సర్వప్రయత్నేన సర్వకామ ఫలప్రదం
