madhyama charitra chapter 3

ఓం నమశ్చండికాయై

1.       ఓం హ్రీం ఋషిరువాచ

2.       నిహన్యమానం తత్సైన్య మవలోక్య మహాసురః :: సేనానీః చిక్షురః కోపాత్ యయౌ యోద్ధు మధామ్బికాం

3.       సదేవీం శర వర్షేణ వవర్ష సమరే2సురః :: యధా మేరుగిరేః శృంగం తోయవర్షేణ తోయదః

4.       తస్య చిత్వా తతో దేవీ లీలయైవ శరోత్కరాన్ :: జఘాన తురగాన్ బాణైః యంతారం చైవ వాజినాం

5.       చిచ్ఛేద చ ధనుస్సద్యో ధ్వజం చాతి సముచ్ఛ్రితం :: వివ్యాధ చైవ గాత్రేషు ఛిన్న ధన్వాన మాశుగైః

6.        సచ్ఛిన్న ధన్వా విరధో హతాశ్వో హత సారధిః :: అభ్యధావత తాం దేవీం ఖడ్గచర్మధరో2సురః

7.       సింహ మాహత్య ఖడ్గేన తీక్ష్ణధారేణ మూర్ధని :: ఆజఘాన భుజే సవ్యే దేవీ మప్యతి వేగవాన్

8.       తస్యాః ఖడ్గో భుజం ప్రాప్య పఫాల నృపనందన :: తతో జగ్రాహ శూలం స కోపాదరుణ లోచనః

9.       చిక్షేప చ తతస్తత్తు భద్రకాళ్యాం మహాసురః ::జ్వాజ్వల్యమానం తేజోభీ రవిబింబ మివాంబరాత్

10.   దృష్ట్వా తదాపతచ్ఛూలం దేవీ శూల మముంచత :: తేన త చ్చతధా నీతం శూలం స చ మహాసురః

11.   హతే తస్మిన్మహావీర్యే మహిషస్య చమూపతౌ :: ఆజగామ గజారూఢ చామరః త్రిదశార్దనః

12.   సొపి శక్తిం ముమోచాధ దేవ్యా స్తామంబికా దృతం :: హుంకారాభిహతాం భూమౌ పాతయామాస నిష్ప్రభాం

13.   భగ్నాం శక్తిం నిపతితాం దృష్ట్వా క్రోధసమన్వితః :: చిక్షేప చామరశ్శూలం బాణైః తదపి సా2చ్ఛినత్

14.   తతస్సింహ సముత్పత్య గజకుంభాంతరే స్థితః :: బాహుయుద్ధేన యుయుధే తేనోచ్చైః త్రిదశారిణా

15.   యుధ్యమానౌ తతస్తౌతు తస్మాన్నాగా న్మహీంగతౌ :: యుయుధాతే2తి సంరబ్ధౌ ప్రహారైరతి దారుణైః

16.   తతో వేగాత్ సముత్పత్య నిపత్య చ మృగారిణా :: కరప్రహారేణ శిరః చామరస్య పృథక్కృతం

17.   ఉదగ్రశ్చ రణే దేవ్యా శిలా వృక్షాదిభిర్హతః ::  దంతముష్టితలైశ్చైవ కరాళశ్చ నిపాతితః

18.   దేవీ కృద్ధా గదాపాతైః చూర్ణయామాస చోద్ధతం :: బాష్కలం భిందిపాలేన బాణైస్తామ్రం తధాంధకం

19.   ఉగ్రాస్య ముగ్రవీర్యం చ తధైవ చ మహాహనుం :: త్రినేత్రాచ త్రిశూలేన జఘాన పరమేశ్వరీ

20.   బిడాలస్యాసినా కాయాత్పాతయామాస వై శిరః :: దుర్దరం దుర్ముఖం చోభౌ శరైర్నిన్యే యమక్షయం

21.   ఏవం సంక్షీయమాణేతు స్వసైన్యే మహిషాసురః :: మాహిషేణ స్వరూపేణ త్రాసయామాస తాన్గణాన్

22.   కాంశ్చిత్తుండ ప్రహారేణ ఖురక్షేపై స్తధాపరాన్ :: లాంగులతాడితాంశ్చాన్యాన్ శృంగాభ్యాం చ విదారితాన్

23.   వేగేన కాంశ్చిదపరాన్ నాదేన భ్రమణేనచ :: నిశ్శ్వాస పవనేనాన్యాన్ పాతయామాస భూతలే

24.   నిపాత్య ప్రమధానీకం అభ్యధావత సో2సురః :: సింహం హంతుం మహాదేవ్యాః కోపం చక్రే తతోంబికా

25.   సోపికోపాన్మహావీర్యః ఖురక్షుణ్ణ మహీతలః :: శృంగాభ్యాం పర్వతానుచ్చాన్ చిక్షేప చ ననాదచ

26.   వేగభ్రమణ విక్షుణ్ణా మహీతస్య వ్యశీర్యత :: లాంగూలే నాహతశ్చాబ్ధిః ప్లావయామాస సర్వతః

27.   ధుత శృంగ విభిన్నాశ్చ ఖండఖండం యయుర్ఘనాః :: శ్వాసానిలా స్తాః శతసో నిపేతుః నభసో2చలాః

28.   ఇతిక్రోధ సమాధ్మాత మాపతంతం మహాసురం :: దృష్ట్వా సా చండికా కోపం తద్వధాయ  తదాకరోత్

29.   సాక్షిప్వా తస్య వై పాశం తం బబంధ మహాసురం :: తత్యాజ మాహిషం రూపం సోపిబద్ధో మహామృదే

30.   తతస్సింహో2భవత్సద్యో యావత్తస్యాంబికా శిరః :: ఛినత్తి తావత్పురుషః ఖడ్గాపాణి రదృశ్యత

31.   తత ఏవాశు పురుషం దేవీ చిచ్ఛేద సాయకైః :: తం ఖడ్గచర్మణా సార్ధం తతస్సోభూన్మహాగజః

32.   కరేణ చ మహాసింహం తం చకర్ష జగర్జచ :: కర్షతస్తు కరందేవీ ఖడ్గేన నిరకృంతత

33.   తతో మహాసురో భూయో మాహిషం వపురాస్థితః :: తధైవ క్షోభాయామాస త్రైలోక్యం స చరాచరం

34.   తతః కృద్ధా జగన్మాతా చండికా పానముత్తమం :: పపౌ పునః పునశ్చైవ జహా సారుణలోచనా

35.   ననర్ద చాసురస్సోపి బలవీర్య మదోద్ధతః :: విషాణాభ్యాంచ చిక్షేప చండికాం ప్రతిభూధరాన్

36.   సా చ తాన్ ప్రహితాంస్తేన చూర్ణయంతీ శరొత్కరైః :: ఉవాచ తం మదోద్ధూత ముఖరాగా కులాక్షరం

37.   ఓం హ్రీం దేవ్యువాచ

38.   గర్జ గర్జ క్షణం మూఢ మధు యావత్పిబామ్యహం ::మయా త్వయి హతో2త్రైవ గర్జిష్యంత్యాశు దేవతాః                                                   

39.   ఓం హ్రీం ఋషిరువాచ

40.   ఏవముక్త్వా సముత్పత్య సా2రూఢా తం మహాసురం :: పాదేనాక్రామ్య కంఠేచ శూలేనైవ మతాడయత్

41.   తతస్సోపి పదాక్రాంతః తయా నిజముఖాత్తతః :: అర్ధనిష్క్రాంత ఏవాసీత్ దేవ్యావీర్యేణ సంవృతః

42.   అర్ధనిష్క్రాంత ఏవాసౌ యుధ్యమానో మహాసురః :: తయా మహాసినా దేవ్యా శిరః ఛిత్వా నిపాతితః

43.   తతో హహాకృతం సర్వం దైత్యసైన్యం ననాశ తత్ :: ప్రహర్షం చ పరం జగ్ముః సకలా దేవతాగణాః

44.   తుష్టువుస్తాం సురాదేవీం సహదివ్యైః మహర్షిభిః :: జగుర్గంధర్వపతయో ననృతు శ్చాప్సరోగణాః

శ్రీ మార్కండేయ పురాణే సావర్ణికే మన్వంతరే దేవీ మాహాత్మ్యే తృతీయః

ఉవాచ మంత్రాః ౩ 

అర్థ శ్లోక మంత్రాః --

శ్లోక మంత్రాః ౪౧

ఏవం మంత్రాః ఆదితః ౨౧౭