saptasathi Madhyama Charitra Chapter 4

1.       ఓం హ్రీం ఋషిరువాచ

2.       శక్రాదయః స్సురగణా నిహతే2తి వీర్యే తస్మిన్ దురాత్మని సురారి బలే చ దేవ్యా

తాం తుష్టువుః ప్రణతి నమర శిరోధరాం సా వాగ్భిః ప్రహర్ష పులకోద్గమ చారుదేహాః

3.       దేవ్యా యయా తతమిదం జగదాత్మ శక్త్యా నిశ్శేష దేవగణ శక్తిసమూహ మూర్త్యా

తామంబికా మఖిల దేవ మహర్షి పూజ్యాం భక్త్యా నతాః సమ విదధాతు శుభాని సా నః

4.       యస్యాః ప్రభావమతులం భగవాననంతో బ్రహ్మా హరశ్చ నహి వక్తుమలం బలంచ

సా చండికా2ఖిల జగత్పరిపాలనాయ నాశాయ చాశుభ భయస్య మతిం కరోతు

5.       యా శ్రీః స్వయం సుకృతినాం భవనేషు, అలక్ష్మీః పాపాత్మానాం, కృత ధియాం హృదయేషు బుద్ధిః,

శ్రద్ధా సతాం,కులజన ప్రభవేషు లజ్జా, తాం త్వం నతా స్మ పరిపాలయ దేవి విశ్వం

6.       కిం వర్ణయామ తవ రూప మచింత్య మేతత్ కిం చాతివీర్య మసురక్షయకారి భూరి

కిం చాహవేషు చరితాని తవాద్భుతాని సర్వేషు దే వ్యసుర దేవగణాదికేషు

7.       హేతుస్సమస్త జగతాం త్రిగుణాపి దోషైః న జ్ఞాయసే హరిహరాదిభి రప్యపారా

సర్వాశ్రయాఖిలమిదం జగదంశభూతం అవ్యాకృతాహి పరమా ప్రకృతి స్త్వమాద్యా

8.       యస్యాః సమస్త సురతా సముదీరణేన తృప్తిం ప్రయాంతి సకలేషు మఖేషు దేవి

స్వాహాసి వై పితృగణస్య చ తృప్తి హేతుః ఉచ్చార్యతే త్వమత ఏవ జనైః స్వధాచ

9.       యా ముక్తి  హేతు రవిచింత్య మహావ్రతా త్వం అభ్యస్యసే సునియతేంద్రియ తత్వసారైః

మోక్షార్దిభి ర్మునిభి రస్త సమస్త దోషైః విద్యాసి సా భగవతీ పరమా హి దేవీ

10.   శబ్దాత్మికా సువిమలర్గ్యజుషాం నిధానం ఉద్గీథ రమ్య పదపారవతాంచ సామ్నం

దేవి త్రయీ భగవతీ భవ భావనాయ వార్తాసి సర్వ జగతాం పరమార్తిహంత్రీ

11.   మేధాసి దేవి విదితాఖిల శాస్త్రసారా దుర్గాసి దుర్గ భవసాగర నౌ రసంగా

శ్రీః కైటభారి హృదయైక కృతాధివాసా గౌరీ త్వమేవ శశిమౌళి కృత ప్రతిష్టా

12.   ఈషత్సహాస మమలం పరిపూర్ణ చంద్ర బింబానుకారి కనకోత్తమ కాంతికాంతం

అత్యద్భుతం ప్రహృత మాత్తరుషా తధాపి వక్త్రం విలోక్య సహసా మహిషాసురేణ

13.   దృష్ట్వాతు దేవి కుపితం భ్రుకుటీ కరాళం ఉద్యచ్ఛశాంక సదృశచ్ఛవి య న్నసద్యః

ప్రాణాన్ ముమోచ మహిషస్తదతీవ చిత్రం కైర్జీవ్యతే హి కుపితాంతక దర్శనేన

14.   దేవి ప్రసీద పరమా భవతీ భవాయ సద్యో వినాశయతి కోపవతీ కులాని

విజ్ఞాత మేత దధునైవ య దస్తమేత న్నీతం బలం సువిపులం మహిషాసురస్య

15.   తే సమ్మతా జనపదేషు,ధనాని తేషాం,తేషాం యశాంసి, నచ సీదతి బంధువర్గః(ధర్మవర్గః)

ధన్యాః తఏవ నిభృతాత్మజ భృత్య పుత్రదారా యేషాం సదాభ్యుదయదా భవతీ ప్రసన్నా

16.   ధర్మ్యాణి దేవి సకలాని సదైవ కర్మా ణ్యత్యాదృతః ప్రతిదినం సుకృతీ కరోతి

స్వర్గం ప్రయాతి చ తతో భవతీ ప్రసాదాత్ లోకత్రయేపి ఫలదా నను దేవి తేన

17.   దుర్గేస్మృతా హరసి భీతి మశేష జంతోః స్వస్థైః స్మృతా మతి మతీవ శుభాం దదాసి

దారిద్ర్యభయదుఃఖ హారిణి కా త్వదన్యా సర్వోపకారాకరణాయ సదార్ద్ర(దయార్ద్ర ) చిత్తా

18.   ఏభిర్హతైః జగదుపైతి సుఖం తధైతే కుర్వంతు నామ నరకాయ చిరాయ పాపం

సంగ్రామ మృత్యు మధిగమ్య దివం ప్రయాంతు మత్వేతి నూన మహితాన్వినిహంసి దేవి

19.   దృష్ట్వైవ కిం న భవతీ ప్రకరోతి భస్మ సర్వాసురాన్ అరిషు ప్రహిణోషి శస్త్రం

లోకాన్ ప్రయాంతు రిపవోపిహి శస్త్రపూతా ఇత్థం మతిర్భవతి తేష్వఖిలేషు సాధ్వి

20.   ఖడ్గప్రభానికర విస్ఫురణైః తధోగ్రైః శూలగ్రకాంతి నివహేన దృశోసురాణాం

యన్నాగతా విలయ మంశమదిందుఖండ యోగ్యాననం తవ విలోకయతాం తదేతత్

21.   దుర్వృత్త వృత్త శమనం తవ దేవి శీలం రూపం తధైత దవిచింత్య మతుల్య మన్యైః 

వీర్యం హంతృ హృతదేవ పరాక్రమాణాం వైరిష్వపి ప్రకటితైవ దయా త్వయేత్థం

22.   కేనోపమా భవతు తే2స్య పరాక్రమస్య రూపం చ శత్రుభయకా ర్యతిహారి కుత్ర

చిత్తే కృపా సమర నిష్టురతా చ దృష్టా త్వయ్యేవ దేవి వరదే భువన త్రయేపి

23.   త్రైలోక్య మేతదఖిలం రిపునాశనేన త్రాతం త్వయా సమరమూర్ధని, తే2పి హత్వా

నీతా దివం రిపుగణా, భయ మప్యపాస్తం అస్మాక మున్మదసురారిభవం నమస్తే

24.   శూలేన పాహినో దేవి పాహి ఖడ్గేన చాంబికే :: ఘంటా స్వనేన నః పాహి చాప జ్యా నిస్వనేన చ

25.   ప్రాచ్యాం రక్ష ప్రతీచ్యాం చ చండికే రక్ష దక్షిణే :: భ్రామణే నాత్మశూలస్య  ఉత్తరస్యాం తధేశ్వరీ

26.   సౌమ్యాని యాని రూపాని త్రైలోక్యే విచారంతి తే :: యాని చాత్యంత ఘోరాణి తై రక్షాస్మాన్ తదాభువం

27.   ఖడ్గశూల గదాదీని యాని చాస్త్రాణి తేం2బికే :: కరపల్లవ సంగీని తైరస్మాన్ రక్ష సర్వతః

28.   ఓం హ్రీం ఋషిరువాచ

29.   ఏవం స్తుతా సురై ర్దివ్యై ర్కుసుమై ర్నందనోద్భవైః :: అర్చితా జగతాం ధాత్రీం తధా గంధానులేపనైః

30.   భక్త్యా సమస్తైః త్రిదశైః దివ్యైః ధూపైః సుధూపితా :: ప్రాహ ప్రసాద సుముఖీ సమస్తాన్ ప్రణతాన్ సురాన్

31.   ఓం హ్రీం దేవ్యువాచ

32.   వ్రియతాం త్రిదశాం సర్వే యదస్మత్తోభి వాంఛితం

33.   ఓం హ్రీం దేవా ఊచుః

34.   భగవత్యా కృతం సర్వం నకించి దవశిష్యతే :: యదయం నిహతః శత్రు రస్మాకం మహిషాసురః

35.   యదిచాపి వరోదేయః త్వయా2స్మాకం మహేశ్వరీ :: సంస్మృతా సంస్మృతా త్వం నో హింసేధాః పరమాపదః

36.   యశ్చ మర్త్య స్తవైరేభిః త్వాం స్తోష్యత్యమలాననే

37.   తస్య విత్తర్ధి విభవైః ధనదారాది సంపదాం :: వృద్ధయే2స్మత్ప్రసన్నా త్వం భవేదా స్సర్వదాం2బికే

38.   ఓం హ్రీం ఋషిరువాచ

39.   ఇతి ప్రసాదితా దేవైః జగతో2ర్ధే తథా2త్మనః :: తథేత్యుక్త్వా భద్రకాళీ బభూవాంతర్హితా నృప

40.   ఇత్యేతత్ కథితం భూప సంభూతా సా యదా పురా :: దేవీ దేవ శరీరేభ్యో జగత్త్రయ హితైషిణీ

41.   పునశ్చ గౌరీ దేహాత్సా సముద్భూతా యథా2భవత్ :: వధాయ దుష్ట దైత్యానాం తధా శుంభనిశుంభయోః

42.   రక్షణాయచ లోకానాం దేవానా ముపకారిణీ :: తత్ శృణుష్వ మయాఖ్యాతం యధావత్ కధయామి తే

హ్రీం ఓం                           

  

శ్రీ మార్కండేయ పురాణే సావర్ణికే మన్వంతరే దేవీ మాహాత్మ్యే చతుర్ధః 

ఉవాచ మంత్రాః ౫   

అర్థ శ్లోక మంత్రాః ౨

శ్లోక మంత్రాః ౩౫  

ఏవం మంత్రాః ఆదితః ౨౫౯