1.
ఓం క్లీం ఋషిరువాచ
2.
చండేచ నిహతే దైత్యే ముండేచ వినిపాతితే :: బహుళేషు
చ సైన్యేషు క్షయితే ష్వసురేశ్వరః
3.
తతః కోప పరాధీన చేతాః శుభః ప్రతాపవాన్ :: ఉద్యోగం
సర్వసైన్యానాం దైత్యానా మాదిదేశహ
4.
అద్య సర్వబలైః దైత్యాః షడశీతి రుదాయుధాః ::
కంబూనాం చతురాశీతిః నిర్యాంతు స్వబలైర్వృతః
5.
కోటివీర్యాణి పంచాశత్ అసురాణాం కులాని వై :: శతం
కులాని ధౌమ్రాణాం నిర్గచ్ఛంతు మమాజ్ఞయా
6.
కాలకా దౌర్హృదా మౌర్యాః కాలకేయాస్తథాసురాః ::
యుద్ధాయ సజ్జా నిర్యాంతు ఆజ్ఞయా త్వరితా మమ
7.
ఇత్యాజ్ఞప్యాసురపతిః శుంభో భైరవ శాసనః ::
నిర్జగామ మహాసైన్య సహస్రైః బహుభిర్వృతం
8.
ఆయాంతం చండికా దృష్ట్వా తత్సైన్య మతిభీషణం :: జ్యాస్వనైః
పూరయామాస ధరణీ గగనాంతరం
9.
తతస్సింహో మహానాద మతీవ కృతవాన్ నృప :: ఘంటా
స్వనేన తన్నాద మంబికా చోపబృంహయత్
10.
ధనుర్జ్యా సింహఘంటానాం నాదాపూరితా దిజ్ముఖా ::
నినాదైః భీషణైః కాళీ జిగ్యే విస్తారితాననా
11.
తం నినాద ముపశ్రుత్య దైత్యసైన్యైః చతుర్దిశం ::
దేవీ సింహ స్తథా కాళీ స రోషైః పరివారితాః
12.
ఏతస్మిన్నంతరే భూప వినాశాయ సురద్విషాం :: భవాయామర
సింహానా మతివీర్య బలాన్వితాః
13.
బ్రహ్మేశ గుహ విష్ణూనాం తధేంద్రస్య చ శక్తయః ::
శరీరేభ్యో వినిష్క్రమ్య తద్రూపైః చండికాం యయుః
14.
యస్య దేవస్య యద్రూపం యధా భూషణ వాహనం :: తద్వదేవహి
తచ్ఛక్తిః అసురాన్ యోద్ధు మాయయౌ
15.
హంసయుక్త విమానాగ్రే సాక్షసూత్ర కమండలుః :: ఆయాతా
బ్రహ్మణః శక్తిః బ్రహ్మాణీ సా2భిదీయతే
16.
మాహేశ్వరీ వృషారూఢా త్రిశూల వరధారిణీ ::
మహాహివలయా ప్రాప్తా చంద్రరేఖా విభూషణా
17.
కౌమారీ శక్తిహస్తాచ మయూర వరవాహనా :: యోద్ధు
మభ్యాయయౌ దైత్యాన్ అంబికా గుహరూపిణీ
18.
తథైవ వైష్ణవీ శక్తిర్గరుడోపరి సంస్థితా :: శంఖ
చక్ర గదా శార్జ్గ ఖడ్గహస్తా2భ్యుపాయయౌ
19.
యజ్ఞ వారాహ మతులం రూపం యా బిభ్రతో హరేః :: శక్తి స్సా ప్యాయయౌ తత్ర వారాహీ బిభ్రతీ
తనుం
20.
నారసింహీ నృసింహస్య బిభ్రతీ సదృశం వపుః ::
ప్రాప్తా తత్ర సటాక్షేప క్షిప్త నక్షత్ర సంహతిః
21.
వజ్రహస్తా తధైవేంద్రీ గజరాజోపరి స్థితా ::
ప్రాప్తా సహస్ర నయనా యధాశక్ర స్తధైవ సా
22.
తతః పరివృతః తాభిః ఈశానో దేవశక్తిభిః :: హన్యంతా
మసురాశ్శీఘ్రం మమ ప్రీత్యాహ చండికాం
23.
తతో దేవీ శరీరాత్తు వినిష్క్రాంతాతి భీషణా ::
చండికా శక్తి రత్యుగ్రా శివాశత నినాదినీ
24.
సా చాహ ధూమ్ర జటిలం ఈశాన మపరాజితా :: దూతత్వం
గచ్ఛ భగవన్ పార్శ్వం శుంభ నిశుంభయోః
25.
బ్రూహి శుంభ నిశుంభంచ దానవా వతిగర్వితౌ :: యేచాన్యే
దానవాస్తత్ర యుద్ధాయ సముపస్థితాః
26.
త్రైలోక్య మింద్రో లభతాం దేవాస్సంతు హవిర్భుజాః
:: యూయం ప్రయాత పాతాళం యది జీవితు మిచ్ఛథ
27.
బలావలేపా దధచేత్ భవంతో యుద్ధ కాంక్షిణః ::త
దాగచ్ఛత తృప్యంతు మచ్ఛివాః పిశితేన వః
28.
యతో నియుక్తో దౌత్యేన తయా దేవ్యా శివస్స్వయం ::
శివదూతీతి లోకే2స్మిన్ తతస్సాఖ్యాతి మాగతా
29.
తేపి శృత్వా వచో దేవ్యాః శర్వాఖ్యాతం మహాసురాః ::
అమర్షాపూరితా జగ్ముః యతః కాత్యాయనీ స్థితా
30.
తతః ప్రథమ మేవాగ్రే శరశక్త్యృష్టి వృష్టిభిః ::
వవర్షు రుద్ధతా మర్షాః తాం దేవీమమరారయః
31.
సా చ తాన్ ప్రహితాన్బాణాన్ శూలశక్తిపరశ్వధాన్ ::
చిచ్ఛేద లీలయాధ్మాత ధనుర్ముక్తైః మహేషుభిః
32.
తస్యాగ్రత స్తథా కాళీ శూలపాత విదారితాన్ ::
ఖట్వాంగ పోథితాం శ్చారీన్ కుర్వంతీ వ్యచరన్ తదా
33.
కమండలు జలాక్షేప హతవీర్యాన్ హతౌజసః :: బ్రహ్మాణీ
చాకరోత్ శత్రూన్ యేన యేనస్మ ధావతి
34.
మాహేశ్వరీ త్రిశూలేన తథా చక్రేణ వైష్ణవీ :: దైత్యాన్
జఘాన కౌమారీ తథా శక్త్యా2తికొపనా
35.
ఐంద్రీ కులిశ పాతేన శతశో దైత్యదానవాః ::
పేతుర్విదారితాః పృథ్వ్యాం రుదిరౌఘ ప్రవర్షణః
36.
తుండ ప్రహార విధ్వస్తా దంష్ట్రాగ్రక్షత వక్షసః ::
వారాహమూర్త్యా న్యపతన్ చక్రేణ చ విదారితాః
37.
నఖైః విదారితాం శ్చాన్యాన్ భక్షయంతీ మహాసురాన్ ::
నారసింహీ చచారాజౌ నాదాపూర్ణ దిగంతరా
38.
చండాట్టహాసై రసురాః శివదూ త్యభిదూషితాః :: పేతుః
పృథివ్యాం పతితాన్ తాన్ చకారాథ సా తదా
39.
ఇతి మాతృగణం కృద్ధం మర్దయంతం మహాసురాన్ :: దృష్టా2భ్యుపాయై
ర్వివిధైః నేశుః దేవారిసైనికాః
40.
పలాయనపరాన్ దృష్ట్వా దైత్యాన్ మాతృగణార్దితాన్ ::
యోద్ధు మభ్యాయయౌ క్రుద్ధో రక్తబీజో మహాసురః
41.
రక్తబిందుర్యదా భూమౌ పతత్యస్య శరీరతః ::
సముత్పతతి మేదిన్యాం తత్ప్రమాణో మహాసురః
42.
యుయుధే స గదాపాణిః ఇంద్రశక్త్యా మహాసురః ::
తతశ్చైంద్రీ స్వవజ్రేణ రక్తబీజ మతాడయత్
43.
కులిశే నాహతస్యాశు బహుసుస్రావ శోణితం ::
సముత్తస్థుః తతో యోధాః తద్రూపాః తత్పరాక్రమాః
44.
యావంతః పతితాస్తస్య శరీరాద్రక్త బిందవః :: తావంతః
పురుషాజాతాః తద్వీర్య బలవిక్రమాః
45.
తే చాపి యుయుధుస్తత్ర పురుషా రక్త సంభవాః ::సమం
మాతృభి రత్యుగ్ర శస్త్రపాతాతిభీషణం
46.
పునశ్చ వజ్రపాతేన క్షతమస్య శిరో యదా ::వవాహ రక్తం
పురుషాః తతో జాతాస్సహస్రశః
47.
వైష్ణవీ సమరేచైనం చక్రేణాభిజఘానహ :: గదయా
తాడయామాస ఐంద్రీ త మసురేశ్వరం
48.
వైష్ణవీ
చక్ర భిన్నస్య రుధిరస్రావ సంభవైః :: సహస్రశో జగద్వ్యాప్తం తత్ప్రమాణైః మహాసురైః
49.
శక్త్యా జఘాన కౌమారీ వారాహీ చ తధాసినా ::
మాహేశ్వరీ త్రిశూలేన రక్తబీజం మహాసురం
50.
స చాపి గదయా దైత్య సర్వా ఏవాహనత్ పృథక్ :: మాతౄః
కోప సమావిష్టో రక్తబీజో మహాసురః
51.
తస్యాహతస్య బహుధా శక్తిశూలాదిభిర్భువి ::
పతాతయోవై రక్తౌఘః తేనాసన్ శతసో2సురాః
52.
తైశ్చాసురాసృక్ సంభూతై రసురైః సకలం జగత్ ::
వ్యాప్త మాసీత్ తతో దేవా భయ మాజగ్ము రుత్తమం
53.
తాన్ విషణ్ణాన్ సురాన్దృష్ట్వా చండికా ప్రాహ
సత్వరా :: ఉవాచ కాళీం చాముండే విస్తీర్ణం వదనం కురు
54.
మచ్ఛస్త్ర పాత సంభూతాన్ రక్తబిందూన్మహాసురాన్ ::
రక్తబిందోః ప్రతీచ్ఛ త్వం వక్త్రేణానేన వేగినా
55.
భక్షయంతీ చర రణే తదుత్పన్నాన్ మహాసురాన్ :: ఏవ
మేషః క్షయం దైత్యః క్షీణ రక్తో గమిష్యతి
56.
భక్ష్యమాణాః త్వయా చోగ్రా ణ చోత్పత్స్యంతి చాపరే
:: ఇత్యుక్త్వా తాం తతో దేవీ శూలేనాభిజఘాన తం
57.
ముఖేన కాళీ జగృహే రక్తబీజస్య శోణితం :: తతో2సా
వాజఘానాధ గదయా తత్ర చండికాం
58.
నచాస్యా వేదనాం చక్రే గడాపాతో2ల్పికామపి
:: తస్యా హతస్య దేహాత్తు బహుసుస్రావ శోణితం
59.
యత స్తత స్తద్వక్త్రేణ చాముండా సంప్రతీచ్ఛతి :: ముఖే
సముద్గతా యే2స్యా రక్తపాతాన్మహాసురాః
60.
తాన్ చఖాదాధ చాముండా పపౌ తస్య చ శోణితం :: దేవీ
శూలేన వజ్రేణ బాణైరసిభిః ఋష్టిభిః
61.
జఘాన రక్తబీజం తం చాముండా పీత శోణితం :: స పపాత
మహీపృష్టే శస్త్రసంఘ సమాహతః
62.
నీరక్తశ్చ మహీపాల రక్తబీజో మహాసురః :: తతస్తే
హర్ష మతులం అవాపుః త్రిదశా నృప
63.
తేషాం మాతృగణో జాతో ననర్తాసృ జ్మదోద్ధతః
