raatri sooktam pouraanikam

రాత్రి సూక్తం

1.       విశ్వేశ్వరీం జగద్ధాత్రీం స్థితి సంహార కారిణీం :: నిద్రాం భగవతీం విష్ణోరతులాం తేజసః ప్రభుః

2.       ఓం ఐం బ్రహ్మోవాచ

3.        త్వం స్వాహా త్వం సుధా త్వం హి వషట్కారః స్వరాత్మికా :: సుధా త్వమక్షరే నిత్యం త్రిధా మాత్రాత్మికా స్థితా

4.       అర్ధమాత్రా స్థితా నిత్యా యానుచ్చార్యా విశేషతః :: త్వమేవ సంధ్యా సావిత్రీ త్వం వేదం జననీ పరా

5.       త్వయైతధార్యతే విశ్వం త్వయైత త్సృజ్యతే జగత్ :: త్వయైతత్పాల్యతే దేవీ త్వమత్స్యంతే చ సర్వదా

6.       విసృష్టౌ సృష్టి రూపా త్వం స్థితి రూపాచ పాలనే :: తథా సంహృతి రూపాంతే జగతో2స్య జగన్మయే

7.       మహావిద్యా(౧) మహామాయా(౨) మహామేధా (౩)మహాస్మృతిః(౪) :: మహామోహా(౫) చ భవతీ మహాదేవీ(౬) మహాసురీ (౭)

8.       ప్రకృతిస్త్వం హి సర్వస్య గుణత్రయ విభావినీ :: కాళరాత్రి ర్మహారాత్రి ర్మోహరాత్రిశ్చ దారుణా

9.       త్వం శ్రీ స్త్వమీశ్వరీ త్వం హ్రీ స్త్వంబుద్ధి ర్బోధలక్షణా :: లజ్జ పుష్టి స్తదా తుష్టి స్త్వం శాంతిః క్షాంతిరేవచ

10.   ఖడ్గినీ శూలినీ ఘోరా గదినీ చక్రిణీ తథా :: శంఖిణీ చాపినీ బాణ భుశుండీ పరిఘాయుధా

11.   సౌమ్యా సౌమ్యతరాశేష సౌమ్యేభ్యస్త్వతి సుందరీ :: పరాపరాణాం పరమా త్వమేవ పరమేశ్వరీ

12.   యచ్చ కించిద్జగద్వస్తు సదసద్వాఖిలాత్మికే :: తస్య సర్వస్య యా శక్తిః సా త్వం కిం స్తూయసే మయా

13.   యయా త్వయా జగత్స్రష్టా జగత్పాత్యత్తి యో జగత్ :: సో2పి నిద్రావశం నీతః క స్త్వాం స్తోతుమిహేశ్వరః          

14.   విష్ణుః శరీర గ్రహణ మహమీశాన మేవచ :: కారితాస్తే యతో2తస్త్వాం కః స్తోతుం శక్తిమా న్భవేత్ 

15.   సా త్వమిత్థం ప్రభావై స్వై రుదారైర్దేవి సంస్తుతా :: మోహయైతౌ దురాధర్షా వసురౌ మధుకైటభౌ

16.   ప్రబోధం చ జగత్స్వామీ నీయతా మచ్యుతో లఘు

బోధశ్చ క్రియతా మస్య హంతుమేతౌ మహాసురౌ 

saptasathi keelakam

దేవీ కీలకం

అస్యశ్రీ కీలక స్త్రోత్ర మంత్రస్య శివ ఋషిః అనుష్టుప్ ఛందః శ్రీ మహాసరస్వతీ దేవతా మంత్రోదితా దేవ్యో బీజం నవార్ణో మంత్రః శక్తిఃశ్రీ సప్తశతీ మంత్రః తత్వం శ్రీ జగదంబా ప్రీత్యర్దే సప్తశతీ పాఠాంగత్వేన జపే వినియోగః

ఓం నమశ్చండికాయై

ఓం ఋషిరువాచ

౧.విశుద్ధ జ్ఞాన దేహాయ త్రివేదీ జ్ఞాన చక్షుషే :: శ్రేయః ప్రాప్తి నిమిత్తాయ నమస్సోమార్ధ ధారిణే

౨.సర్వమేత ద్విజానీయా న్మంత్రాణామభి కీలకం :: సొ2పి క్షేమ మవాప్నోతి సతతం జాప్యతత్పరః

౩.సిద్ధ్యం త్యుచ్చాటనాదీని వస్తూని సకలాన్యపి :: ఏతేన స్తువతాం దేవీ స్త్రోత్రమాత్రేణ సిద్ధ్యతి

౪.నమంత్రో నౌషధం తత్ర నకించిదపి విద్యతే :: వినా జాప్యేన సిధ్యేత సర్వముచ్చాటనాదికమ్

౫.సమగ్రాణ్యపి సేత్స్యంతి లోకశంకా మిమాం హరః :: కృత్వానిమంత్రయామాస సర్వమేవమిదం శుభమ్

౬.స్త్రోత్రం వై చండికాయాస్తు తచ్చ గుహ్యం చకారసః :: సమాప్తిర్నచ పుణ్యస్య తాం యధావన్నియంత్రణామ్

౭.సొ2పి క్షేమ మవాప్నోతి  సర్వమేవ నసంశయః :: కృష్ణాయాం వా చతుర్దశ్యామష్టమ్యాం వా సమాహితః

౮.దదాతి ప్రతిగృహ్ణాతి నాన్యధైషా ప్రసీదతి :: ఇత్థం రూపేణ కీలేన మహాదేవేన కీలితం

౯.యో నిష్కీలా విధాయైనాం నిత్యం జపతి సస్ఫుటం :: ససిద్ధః స గణః సొ2పి గంధర్వో జాయతే2వనే

౧౦.నచైవాప్యటతస్తస్య భయం క్వాపిహి జాయతే :: నాపమృత్యు వశం యాతి మృతో మోక్షమవాప్నుయాత్

౧౨.జ్ఞాత్వా ప్రారభ్య కుర్వీత హ్యకుర్వాణో వినశ్యతి :: తతో జ్ఞాత్వైవ సంపన్న మిదం ప్రారభ్యతే బుధైః

౧౩.శనైస్తు జప్యమానేస్మిన్ స్త్రోత్రే సంపత్తి రుచ్చకైః :: భవత్యేవ సమగ్రాపి తతః ప్రారభ్యమేవ తత్

౧౪.ఐశ్వర్యం యత్ప్రసాదేన సౌభాగ్యారోగ్య సంపదః :: శత్రుహానిః పరో మోక్షః స్తూయతే సా న కిం జనైః

ఇతి భగవత్యాః కీలకం స్త్రోత్రం          

saptasathi argalam

దేవీ అర్గలం

అస్య శ్రీ దేవీ అర్గళా స్త్రోత్ర  మంత్రస్య విష్ణు ఋషిః అనుష్టుప్ ఛందః శ్రీ మహాలక్ష్మీ  దేవతా నవార్ణ మంత్రః  శక్తిః  మంత్రోదితా దేవ్యో బీజాని సప్తశతీ మంత్రస్తత్త్వం   శ్రీ జగదంబా ప్రీత్యర్థే సప్తశతీ పాఠాంగ జపే వినియోగః   

రహస్యోక్త ధ్యానం

శాకంభరీ నీల వర్ణా నీలోత్పల విలోచనా   :: గంభీర నాభిస్త్రివళీ విభూషిత తనూదరీ

సు కర్కశ సమోత్తుంగ వృత్త పీన ఘన స్తనీ  :: ముష్టిం శిలీముఖాపూర్ణా కమలం కమలాలయా

పుష్పపల్లవ మూలాది ఫలాద్యం శాక సంచయం :: కామ్యా నంతరసై ర్యుక్తం క్షు తృ ణ్మృత్యు  జరాపహం 

కార్ముకం చ స్ఫురత్కాంతి బిభర్తి పరమేశ్వరీ :: శాకంభరీ శతాక్షీ సా సైవ దుర్గా ప్రకీర్తితా

ఉమా గౌరీ సతీ చండీ కాళికా సా పి పార్వతీ :: శాకంభరీం స్తువ న్ధ్యాయ న్జప న్సంపూజయ న్నమన్

అక్ష్యయ్య మశ్నుతే నిత్యమన్నపానామృతాదికం

             

ఓం నమ శ్చండికాయై

మార్కండేయ ఉవాచ

(బృహజ్జ్యోతిషార్ణవే తు

ఓం ఋషిరువాచ

౧.యా దేవీ స్తూయతే నిత్యం బ్రహ్మేంద్ర ముని కిన్నరైః సా మే భవతు జిహ్వాగ్రే బ్రహ్మరూపా సరస్వతీ

౨.జయ త్వం దేవి చాముండే జయ భూతోపకారిణీ జయ సర్వ గతే దేవి కాళరాత్రి నమోస్తుతే ) 

౧.జయంతీ మంగళా కాళీ(కృష్ణా) భద్రకాళీ కపాలినీ :: దుర్గా క్షమా శివా ధాత్రీ స్వాహా స్వధా నమోస్తుతే

(జయ త్వం దేవి చాముండే జయ భూతార్తి హారిణీ :: జయ సర్వ గతే దేవి కాళరాత్రి నమోస్తుతే )

౨.మధుకైటభ విద్రావి విధాతృ వరదే నమః :: రూపం  దేహి జయం దేహి యశో దేహి ద్విషో జహి

౩.మహిషాసుర నిర్నాశి విధాత్రి వరదే నమః(ధూమ్రాక్షస్య చ మర్దినీ)

 రూపం  దేహి జయం దేహి యశో దేహి ద్విషో జహి

౪.వందితాంఘ్రి యుగే దేవి దేవి సౌభాగ్యదాయినీ :: రూపం దేహి జయం దేహి యశో దేహి ద్విషో జహి

౫. రక్త బీజ వధే దేవి చండ ముండ వినాశినీ :: రూపం దేహి జయం దేహి యశో దేహి ద్విషో జహి

౬.అచింత్య రూప చరితే సరశాత్రు వినాశినీ :: రూపం దేహి జయం దేహి యశో దేహి ద్విషో జహి

౭.నతేభ్య స్సర్వదా భక్త్యా చండికే ప్రణతాయ మే :: రూపం దేహి జయం దేహి యశో దేహి ద్విషో జహి

౮.స్తువద్భ్యో భక్తిపూర్వం త్వాం చండికే వ్యాధినాశినీ :: రూపం దేహి జయం దేహి యశో దేహి ద్విషో జహి

౯.చండికే సతతం యే త్వా మర్చయంతీహ భక్తితః :: రూపం దేహి జయం దేహి యశో దేహి ద్విషో జహి

౧౦.దేహి సౌభాగ్యమారోగ్యం దేహి దేవి పరం సుఖం :: రూపం దేహి జయం దేహి యశో దేహి ద్విషో జహి

౧౧.విధేహి ద్విషతాం నాశం విధేహి బలముచ్చకైః :: రూపం దేహి జయం దేహి యశో దేహి ద్విషో జహి

౧౨. విధేహి దేవి కళ్యాణం విధేహి విపులాం  శ్రియం :: రూపం దేహి జయం దేహి యశో దేహి ద్విషో జహి

౧౩.విద్యావంతం యశస్వంతం లక్ష్మీవంతం జనం కురు :: రూపం దేహి జయం దేహి యశో దేహి ద్విషో జహి

౧౪.ప్రచండ దైత్య దర్పఘ్నే చండికే ప్రణతాయ మే :: రూపం దేహి జయం దేహి యశో దేహి ద్విషో జహి

౧౫.చతుర్భుజే చతుర్వక్త్ర సంస్తుతే పరమేశ్వరీ :: రూపం దేహి జయం దేహి యశో దేహి ద్విషో జహి

౧౬.కృష్ణేన సంస్తుతే దేవి శశ్వద్భక్త్యా తధాం2బికే :: రూపం దేహి జయం దేహి యశో దేహి ద్విషో జహి

౧౭.హిమాచల సుతానాధ పూజితే పరమేశ్వరీ :: రూపం దేహి జయం దేహి యశో దేహి ద్విషో జహి

౧౮.సురాసుర శిరోరత్న నిఘృష్ట చరణేం2బికే :: రూపం దేహి జయం దేహి యశో దేహి ద్విషో జహి

౧౯.ఇంద్రాణీపతి సద్భావ పూజితే పరమేశ్వరీ :: రూపం దేహి జయం దేహి యశో దేహి ద్విషో జహి

౨౦.దేవి ప్రచండ దోర్దండ దైత్యదర్ప వినాశినీ(నిషూదినీ) :: రూపం దేహి జయం దేహి యశో దేహి ద్విషో జహి

౨౧.దేవి భక్త జనోద్దామ దత్తానందోదయేం2బికే :: రూపం దేహి జయం దేహి యశో దేహి ద్విషో జహి

౨౨.పత్నీం మనోరమాం దేహి మనోవృత్తానుసారిణీం :: తారిణీం దుర్గ సంసారసాగరస్య కులోద్భావామ్

౨౩.ఇదం స్త్రోత్రం పఠిత్వాతు మహాస్త్రోత్రం పఠేన్నరః :: స తు సప్తశతీ సంఖ్యావర మాప్నోతి సంపదః

ఇతి శ్రీ మార్కండేయ పురాణే దేవ్యా అర్గళ స్త్రోత్రం       

Saptasathi Chapter 13

1.       ఓం క్లీం ఋషిరువాచ

2.       ఏతత్తే కథితం భూప దేవీమాహాత్మ్య ముత్తమం

3.       ఏవం ప్రభావా సా దేవీ యయేదం ధార్యతే జగత్ :: విద్యా తథైవ క్రియతే భగవద్విష్ణు మాయయా

4.       త్వయా త్వ మేష  వైశ్యశ్చ తథైవాన్యే వివేకినః :: మోహ్యంతే మోహితాశ్చైవ మోహమేష్యంతి చాపరే

5.       తాముపైహి మహారాజ శరణం పరమేశ్వరీం :: ఆరాధితా సైవనృణాం భోగస్వర్గాపవర్గదా

6.       ఓం క్లీం మార్కండేయ ఉవాచ

7.       ఇతి తస్య వచః శృత్వా సురథస్సనరాధిపః :: ప్రణిపత్య మహాభాగం తమృషిం శంసిత వ్రతం

8.       నిర్విణ్ణోతి మమత్వేన రాజ్యాపహరణేన చ  :: జగామ సద్యస్తపసే స చ వైశ్యోమహామునే

9.       సందర్శనార్ధ మంబాయాః నదీపులిన సంస్థితః :: సచ వైశ్యస్తపస్తేపే దేవీసూక్తం పరం జపన్

10.   తౌ తస్మిన్ పులినే దేవ్యాః కృత్వా మూర్తిం మహీమయీం :: అర్హణాం చక్రతుస్తస్యాః పుష్పధూపాగ్ని తర్పణైః

11.   నిరాహారౌ యతాహారౌ తన్మనస్కౌ సమాహితౌ :: దదతుస్తౌ బలిం చైవ నిజగాత్రాసృగుక్షితం

12.   ఏవం సమారాధయతో త్రిభిర్వర్షైః యతాత్మనోః :: పరితుష్టా జగద్ధాత్రీ ప్రత్యక్షం ప్రాహ చండికా

13.   ఓం క్లీం దేవ్యువాచ

14.   యత్ప్రార్ధ్యతే త్వయా భూప త్వయా చ కులనందన :: మత్తః తత్ప్రాప్యతాం సర్వం పరితుష్టా దదామి తత్

15.   ఓం క్లీం మార్కండేయ ఉవాచ

16.   తతో వవ్రే నృపం రాజ్యం అవిభ్రం శ్యన్యజన్మని :: అత్రైవచ నిజం రాజ్యం హతశత్రుబలం బలాత్

17.   సొపి వైశ్య స్తతో జ్ఞానం వవ్రే నిర్విణ్ణ మానసః :: మమేత్యహమితి ప్రాజ్ఞః సంగ విచ్యుతికారకం

18.   ఓం క్లీం దేవ్యువాచ

19.   స్వల్పైరహోభిః నృపతే స్వం రాజ్యం ప్రాప్స్యతే భవాన్

20.   హత్వా రిపూనస్ఖలితం తవ తత్ర భవిష్యతి

21.   మృతశ్చ భూయః సంప్రాప్య జన్మదేవాత్ వివస్వతః

22.   సావర్ణికో మనుర్నామ భవాన్ భువి భవిష్యతి

23.   వైశ్య వర్య త్వయా యశ్చ వరో2స్మత్తో2భివాంఛితః

24.   తం ప్రయచ్ఛామి సంసిద్ధ్యై తవజ్ఞానం భవిష్యతి

25.   ఓం క్లీం మార్కండేయ ఉవాచ

26.   ఇతి దత్వా తయోర్దేవీ యథాభిలషితం వరం :: బభూవాంతర్హితా సద్యో భక్త్యా తాభ్యా మభిష్టుతా

27.   ఏవం దేవ్యా వరం లబ్ధ్వా సురధః క్షత్రియర్షభః :: సూర్యాజ్జన్మ సమాసాద్య సావర్ణిః భవితా మనుః

28.   ఇతి దత్వా తయోర్దేవీ యథాభిలషితం వరం :: బభూవాంతర్హితా సద్యో భక్త్యా తాభ్యా మభిష్టుతా

29.   ఏవం దేవ్యా వరం లబ్ధ్వా సురధః క్షత్రియర్షభః :: సూర్యాజ్జన్మ సమాసాద్య సావర్ణిః భవితా మనుః 

Saptasathi Chapter 12

1.       ఓం క్లీం దేవ్యువాచ

2.       ఏభిస్స్తవైశ్చ మాం నిత్యం స్తోష్యతే యస్సమాహితః :: తస్యాహం సకలాం బాధాం శమయిష్యా మ్యసంశయం

3.       మధుకైటభ నాశం చ మహిషాసుర ఘాతనం :: కీర్తయిష్యంతి యే తద్వత్ వధం శుంభనిశుంభయోః

4.       అష్టమ్యాంచ చతుర్దశ్యాం నవమ్యాం చైకచేతసః :: శ్రోష్యంతి చైవ యే భక్త్యా మమ మాహాత్మ్య ముత్తమం

5.       నతేషాం దుష్కృతం కించిత్ దుష్కృతోత్థా నచాపదః :: భవిష్యతి నదారిద్ర్యం నచైవేష్ట వియోజనం

6.       శత్రుతో నభయం తస్య దస్యుతోవా నరాజతః :: నశస్త్రానలతోయౌఘాత్ కదాచిత్ సంభవిష్యతి

7.       తస్మాన్మమైతన్మాహాత్యం పఠితవ్యం సమాహితైః :: శ్రోతవ్యం చ సదా భక్త్యా పరం స్వస్త్యయనం మహత్

8.       ఉపసర్గా నశేషాంస్తు మహామారీ సముద్భవాన్ :: తథా త్రివిధ ముత్పాతం మాహాత్మ్యం శమయేన్మమ

9.       యత్రైతత్ పఠ్యతే సమ్యక్ నిత్యమాయతనే మమ :: సదా న తద్విమోక్ష్యామి సాన్నిధ్యం తత్ర మే స్థితం

10.   బలిప్రదానే పూజాయాం అగ్నికార్యే మహోత్సవే :: సర్వం మమైతచ్చరితం ఉచ్చార్యం శ్రావ్యమేవ చ

11.   జానతా2జానతా వాపి బలిపూజాం యథాకృతాం :: ప్రతీక్షిష్యామ్యహం ప్రీత్యా వహ్నిహోమం తథాకృతం

12.   శరత్కాలే మహాపూజా క్రియతే యా చ వార్షికీ :: తస్యాం మమైతన్మాహాత్మ్యం శ్రుత్వా భక్తిసమన్వితః

13.   సర్వబాధా వినిర్ముక్తో ధనధాన్య సుతాన్వితః :: మనుష్యో మత్ప్రసాదేన భవిష్యతి న సంశయః

14.   శ్రుత్వా మమైతన్మాహాత్మ్యం తథా చోత్పత్తయః శుభాః :: పరాక్రమంచ యుద్ధేషు జాయతే నిర్భయః పుమాన్

15.   రిపవః సంక్షయం యాంతి కళ్యాణం చోపపద్యతే :: నందతే చ కులం పుంసాం మాహాత్మ్యం మమ శృణ్వతాం

16.   శాంతి కర్మణి సర్వత్ర తథా దుస్స్వప్న దర్శనే :: గ్రహపీడాసు చోగ్రాసు మాహాత్మ్యం శృణుయాన్మమ

17.   ఉపసర్గాః శమం యాంతి గ్రహపీడాశ్చ దారుణాః :: దుస్స్వప్నం చ నృభిర్దృష్టం సుస్వప్న ముపజాయతే

18.   బాలగ్రహాభిభూతానాం బాలానాం శాంతికారకం :: సంఘాత భేదేచ నృణాం మైత్రీకరణముత్తమం

19.   దుర్వృత్తానా మశేషాణాం బలహానికరం పరం :: రక్షోభూత పిశాచానాం పఠానాదేవ నాశనం

20.   సర్వం మమైతన్మాహాత్మ్యం మమ సన్నిధికారకం :: పశుపుష్పార్ఘ్యధూపైశ్చ గంధ దీపై స్తథోత్తమైః

21.   విప్రాణాం భోజనైః హోమైః ప్రోక్షణీయై రహర్నిశం ::అన్యైశ్చ వివిధైర్భోగైః ప్రదానైర్వత్సరేణ యా

22.   ప్రీతిర్మే క్రియతే సాస్మిన్ సకృదుచ్చరితే శ్రుతే :: శ్రుతం హరతి పాపాని తథారోగ్యం ప్రయచ్ఛతి

23.   రక్షాం కరోతి భూతేభ్యో జన్మనాం కీర్తనం మమ :: యుద్ధేషు చరితం యన్మే దుష్టదైత్య నిబర్హణం

24.   తస్మిన్ శ్రుతే వైరికృతం భయం పుంసాం న జాయతే

25.   యుష్మాభి స్తుతయో యాశ్చ యాశ్చ బ్రహ్మర్షిభిః కృతాః :: బ్రహ్మణశ్చ కృతాస్తాస్తు ప్రయచ్ఛంతి శుభాం మతిం

26.   అరణ్యేప్రాంతరే వాపి దావాగ్ని పరివారితః :: దస్యుభిర్వావృతశ్శూన్యే గృహీతోవాపి శత్రుభిః

27.   సింహవ్యాఘ్రానుయాతో వా వనే వా వనహస్తిభిః :: రాజ్ఞా కృద్ధేనా చాజ్ఞప్తో వధ్యోబంధగతోపివా

28.   ఆఘార్ణితోవా వాతేన స్థితః పోతే మహార్ణవే :: పతత్సు చాపి శస్త్రేషు సంగ్రామే భృశదారుణే

29.   సర్వ బాధాసు ఘోరాసు వేదనాభ్యర్దితో2పివా :: స్మరన్మమైతచ్చరితం నరో ముచ్యేత సంకటాత్

30.   మమ ప్రభావాత్ సింహాద్యా దస్యవో వైరిణస్తథా :: దూరాదేవ పలాయంతే స్మరత శ్చరితం మమ

31.   ఓం క్లీం ఋషిరువాచ

32.   ఇత్యుక్త్వా సా భగవతీ చండికా చండవిక్రమా :: పశ్యతాం సర్వ దేవానాం తత్రైవాంతరధీయత

33.   తే2పి దేవా నిరాతంకాః స్వాధికారాన్ యథాపురా :: యజ్ఞభాగ భుజస్సర్వే చక్రుర్వినిహతారయః

34.   దైత్యాశ్చ దేవ్యా నిహతే శుంభే దేవరిపౌ యుధి :: జగద్విధ్వంసకే తస్మిన్ మహోగ్రే 2తులవిక్రమే

35.   నిశుంభేచ మహావీర్యే శేషాః పాతాళ మాయయుః

36.   ఏవం భగవతీ దేవీ సా నిత్యాపి పునః పునః :: సంభూయ కురుతే భూప జగతః పరిపాలనం

37.   తయైతన్మోహ్యతే విశ్వం సైవ విశ్వం ప్రసూయతే :: సా యాచితాచ విజ్ఞానం తుష్టా చర్ధిం ప్రయచ్ఛతి

38.   వ్యాప్తం తయైతత్సకలం బ్రహ్మాండం మనుజేశ్వర :: మహాకాళ్యా మహాకాలే మహామారీ స్వరూపయా

39.   సైవ కాలే మహామారీ సైవ సృష్టిర్భవత్యజా :: స్థితిం కరోతి భూతానాం సైవకాలే సనాతనీ

40.   భవకాలే నృణాం సైవ లక్ష్మీః వృద్ధిప్రదా గృహే :: సైవా2భావే తథా2లక్ష్మీః వినాశాయోపజాయతే

41.   స్తుతా సంపూజితా పుష్పైః గంధధూపాదిభిః తదా :: దదాతి విత్తం పుత్రాంశ్చ మతిం ధర్మే తధా శుభం                    

Saptasathi Chapter 11

1.       ఓం క్లీం ఋషిరువాచ

2.    దేవ్యా హతే తత్ర మహాసురేంద్రే సేంద్రాః సురాః వహ్నిపురోగమా స్తాం

కాత్యాయనీం తుష్టువు రిష్టలాభాత్ వికాశి వక్త్రాబ్జ వికాసితాశాః

3.       దేవి ప్రసన్నార్తి హరే ప్రసీద ప్రసీద మాతః జగతో2ఖిలస్య

ప్రసీద విశ్వేశ్వరి పాహి విశ్వం త్వమీశ్వరీ దేవి చరాచరస్య

4.       ఆధారభూతా జగతస్త్వమేకా మహీస్వరూపేణ యతః స్థితాసి

అపాం స్వరూప స్థితయా త్వయైతత్ ఆప్యాయతే కృత్స్న మలంఘ్యవీర్యే

5.       త్వం వైష్ణవీ శక్తి రనంతవీర్యా విశ్వస్య బీజం పరమాసి మాయా

సంమోహితం దేవి సమస్తమేతత్ త్వం వై ప్రసన్నా భువి ముక్తిహేతుః

6.       విద్యాస్సమస్తాః తవ దేవి భేదాః స్త్రియస్సమస్తా సకలా జగత్సు

త్వయైకయా పూరిత మంబ యైతత్ కాతే స్తుతిః స్తవ్యపరా పరోక్తిః

7.       సర్వభూతా యదా దేవీ భుక్తిముక్తి ప్రదాయినీ :: త్వం స్తుతా స్తుతయే కావా భవంతి పరమోక్తయః

8.       సర్వస్య బుద్ధి రూపేణ జనస్య హృది సంస్థితే :: స్వర్గాపవర్గదే దేవి నారాయణి నమోస్తుతే

9.       కళాకాష్టాదిరూపేణ పరిణామ ప్రదాయినీ :: విశ్వస్యోపరతౌ శక్తే నారాయణి నమోస్తుతే

10.   సర్వమంగళ మాంగళ్యే శివే సర్వార్ధ సాధకే :: శరణ్యే త్ర్యంబకే గౌరి నారాయణి నమోస్తుతే

11.   సృష్టిస్థితి వినాశానాం శక్తిభూతే సనాతని :: గుణాశ్రయే గుణమయే నారాయణి నమోస్తుతే

12.   శరణాగత దీనార్త పరిత్రాణ పరాయణే : సర్వస్యార్తి హరే దేవి నారాయణి నమోస్తుతే

13.   హంసయుక్త విమానస్థే బ్రహ్మాణీ రూపధారిణీ :: కౌశాంభ క్షరికే దేవి నారాయణి నమోస్తుతే

14.   త్రిశూల చంద్రాహిధరే మహావృషభ వాహినీ :: మాహేశ్వరీ స్వరూపేణ నారాయణి నమోస్తుతే

15.   మయూర కుక్కుట వృతే మహాశక్తి ధరే2నఘే :: కౌమారీ రూప సంస్థానే నారాయణి నమోస్తుతే

16.   శంఖ చక్ర గదా శార్ఙ్గ గృహీత పరమాయుధే :: ప్రసీద వైష్ణవీ రూపే నారాయణి నమోస్తుతే

17.   గృహీతోగ్ర మహాచక్రే దంష్ట్రోద్ధుత వసుంధరే :: వారాహరూపిని శివే నారాయణి నమోస్తుతే

18.   నృసింహరూపేణోగ్రేణ హంతుం దైత్యాన్ కృతోద్యమే :: త్రైలోక్య త్రాణ సహితే నారాయణి నమోస్తుతే

19.   కిరీటిని మహావజ్రే సహస్ర నయనోజ్జ్వలే  :: వృత్ర ప్రాణహరే చైంద్రీ నారాయణి నమోస్తుతే

20.   శివదూతీ స్వరూపేణ హతదైత్య మహాబలే :: ఘోరరూపే మహారావే నారాయణి నమోస్తుతే

21.   దంష్ట్రా కరాలవదనే శిరోమాలా విభూషణే :: చాముండే ముండ మధనే నారాయణి నమోస్తుతే

22.   లక్ష్మి లజ్జే మహావిద్యే శ్రద్దే పుష్టి స్వధా ధ్రువే :: మహారాత్రి మహామాయే నారాయణి నమోస్తుతే

23.   మేధే సరస్వతి వరే భూతి బాభ్రవి తామసి :: నియతే త్వం ప్రసీదేశే నారాయణి నమోస్తుతే

24.   సర్వ స్వరూపే సర్వేశే సర్వశక్తి సమన్వితే :: భయేభ్య స్త్రాహినో దేవి దుర్గే దేవి నమోస్తుతే

25.   ఏతత్తే వదనం సౌమ్యం లోచనత్రయ భూషితం :: పాతు నః సర్వభూతేభ్యో కాత్యాయని నమోస్తుతే

26.   జ్వాలా కరాళ మత్యుగ్ర మశేషాసుర సూదనం త్రిశూలం పాతు నో భీతేః భద్రకాళి నమోస్తుతే

27.   హినస్తి దైత్య తేజాంసి స్వనే నాపూర్య యా జగత్ :: సా ఘంటా పాతు నో దేవి పాపేభ్యోనః సుతానివ

28.   అసురాసృ గ్వసాపంక చర్చితస్తే కరోజ్జ్వలః :: శుభాయ ఖడ్గో భవతు చండికే త్వాం నతా వయం

29.   రోగానశేషా నపహంసి తుష్టా రుష్టాతు కామాన్సకలా నభీష్టాన్

త్వామాశ్రితానాం నవిపన్నరాణాం త్వామాశ్రితా హ్యాశ్రయాతాం  ప్రయాంతి

30.   ఏతత్కృతం య త్కదనం త్వయాద్య ధర్మద్విషాం దేవి మహాసురాణాం

రూపైరనేకైః బహుధా2త్మమూర్తిం కృత్వాం2బికే తత్ప్రకరోతి కాన్యా

31.   విద్యేషు శాస్త్రేషు వివేక దీపే ష్వాద్యేషువాక్యేషు చ కా త్వదన్యా

మమత్వగర్తే2తి మహాంధకారే విభ్రామయ త్యేత దతీవ విశ్వం

32.   రక్షాంసి యత్రోగ్ర విషాశ్చ నాగా యత్రారయో దస్యు బలాని యత్ర

దావానలో యత్ర తథాబ్ధి మధ్యే తత్ర స్థితా త్వం పరిపాసి విశ్వం

33.   విశ్వేశ్వరీ త్వం పరిపాసి విశ్వం విశ్వాత్మికా ధారయసీహ విశ్వం

విశ్వేశ వంద్యా భవతీ భవంతి విశ్వాశ్రయా యే త్వయి భక్తినమ్రాః

34.   దేవి ప్రసీద పరిపాలయ నో2రిభీతేః నిత్యం యధాసుర వధా దధునైవ సద్యః

పాపాని సర్వ జగతాం ప్రథమం నయాశు ఉత్పాత పాక జనితాంశ్చ మహోపసర్గాన్

35.   ప్రణతానాం ప్రసీదత్వం దేవి విశ్వార్తిహారిణి :: త్రైలోక్యవాసినా మీడ్యే లోకానాం వరదో భవ

36.   ఓం క్లీం దేవ్యువాచ

37.   వరదా2హం సురగణా వరం యం మనసేచ్ఛధ :: తం వృణుధ్వం ప్రయచ్ఛామి జగతా ముపకారకం

38.   ఓం క్లీం దేవా ఊచుః

39.   సర్వబాధా ప్రశమనం త్రైలోక్యస్యాఖిలేశ్వరీ :: ఏవమేవ త్వయా కార్య మస్మద్వైరి వినాశనం

40.   ఓం క్లీం దేవ్యువాచ

41.   వైవస్వతేం2తరే ప్రాప్తే2ష్టావింశతి తమే యుగే :: శుంభోనిశుంభశ్చైవాన్యా వుత్పత్స్యేతే మహాసురౌ

42.   నందగోప గృహే జాతా యశోదా గర్భసంభవా :: తతస్తౌ నాశయిష్యామి వింధ్యాచల నివాసినీ

43.   పునరప్యతి రౌద్రేణ రూపేణ పృధివీ తలే :: అవతీర్య హనిష్యామి వైప్రచిత్తాంశ్చ దానవాన్

44.   భక్షయంత్యాశ్చ తానుగ్రా న్వైప్రచిత్తా న్మహాసురాన్ :: రక్తదంతా భవిష్యామి దాడిమీ కుసుమోపమాః

45.   తతో మాం దేవతాస్సర్వే మర్త్యలోకేచ మానవాః :: స్తువంత్యో వ్యాహరిష్యంతి సతతం రక్తదంతికాం

46.   భూయశ్చ శతవార్షిక్యాం అనావృష్ట్యా మనంభసి :: మునిభిస్సంస్తుతా భూమౌ సంభవిష్యా మ్యయోనిజా

47.   తతశ్శతేన నేత్రాణాం నిరీక్షిష్యామి యన్మునీన్ :: కీర్తయిష్యంతి మనుజాః శతాక్షీ మితి మాం తతః

48.   తతోహ మఖిలం లోక మాత్మదేహ సముద్భవైః :: భరిష్యామి సురాశ్శాకైః ఆవృష్టేః ప్రాణధారకైః

49.   శాకంభరీతి విఖ్యాతిం తదాయాస్యామ్యహం భువి

50.   తత్రైవ చ వధిష్యామి దుర్గమాఖ్యం మహాసురం :: దుర్గాదేవీతి విఖ్యాతం తన్మేనామ భవిష్యతి

51.   పునశ్చాహం యదా భీమం రూపం కృత్వా హిమాచలే ::రక్షాంసి క్షపయిష్యామి మునీనాం త్రాణకారణాత్

52.   తదా మాం మునయస్సర్వే స్తోష్యంత్యానమ్రమూర్తయః :: భీమాదేవీతి విఖ్యాతం తన్మేనామ భవిష్యతి

53.   యదా2రుణాఖ్య త్రైలోక్యే మహాబాధాం కరిష్యతి :: తదా2హం భ్రామరం రూపం కృత్వా2సంఖ్యేయ షట్పదం

54.   త్రైలోక్యస్య హితార్ధాయ వధిష్యామి మహాసురం :: భ్రామరీతి చ మాం లోకాః తదాస్తోష్యంతి సర్వతః

55.   ఇత్థం యదాయదా బాధా దానవోత్థా భవిష్యతి :: తదా తదా2వతీర్యాహం కరిష్యామ్యరి సంక్షయం