saptasathi devi kavacham

ఓం శ్రీ మహా గణాధిపతయే నమః

ఓం శ్రీ గురుభ్యో నమః

ఓం నమ శ్చండికాయై

దేవీ కవచం

అస్య శ్రీ దేవీ కవచస్య బ్రహ్మా ఋషిః అనుష్టుప్ ఛందః చాముండా దేవతా 
అంగ న్యాసోక్త మాతరో బీజం నవార్ణో మంత్ర శక్తిః దిగ్బంధ దేవతా తత్త్వం 
శ్రీ జగదంబా ప్రీత్యర్థే సప్తశతీ పాఠాంగ జపే వినియోగః   

ఓం నమ శ్చండికాయై

మార్కండేయ ఉవాచ

౧.ఓం యద్గుహ్యం పరమం లోకే సర్వ రక్షాకరం నృణాం ::
 యన్న కస్యచి దాఖ్యాతం, తన్మే బ్రూహి పితామహ

౨.బ్రహ్మోవాచ

౩.ఆస్తి గుహ్యతమం విప్ర సర్వ భూతోపకారకం  ::
 దేవ్యాస్తు కవచం పుణ్యం తచ్ఛృణుష్వ మహా మునే

౪.ప్రథమం శైల పుత్రీతి ద్వితీయం బ్రహ్మచారిణీ ::
 తృతీయం చంద్ర ఘంటేతి కూష్మాండేతి చతుర్థకం

౫.పంచమం స్కంద మాతేతి షష్ఠం కాత్యాయనీతి చ ::
 సప్తమం కాల(ళ) రాత్రిశ్చమహా గౌరీతి చాష్టమం

౬.నవమం సిద్ధి దాత్రీచ నవదుర్గాః ప్రకీర్తితాః ::
 ఉక్తాన్యేతాని నామాని బ్రహ్మణైవ మహాత్మనా

౭.అగ్నినా దహ్యమానస్తు శత్రు మధ్యే గతో రణే :: 
విషమే దుర్గమే చైవ భయార్తాః శరణం గతాః

౮.నతేషాం  జాయతే కించిత్  అశుభం రణ సంకటే ::
నాపదం తస్య పశ్యామి శోక దుఃఖ భయం న  హి

౯.యైస్తు భక్త్యా స్తుతానూనం  తేషాం సిద్ధిః  ప్రజాయతే ::
 ప్రేత సంస్థాతు చాముండా వారాహీ మహిషాసనా

౧౦.ఐంద్రీ గజ సమారూఢా వైష్ణవీ గరుడాసనా ::
 మాహేశ్వరీ వృషారూఢా కౌమారీ శిఖి వాహనా

౧౨.బ్రాహ్మీ హంస సమారూఢా సర్వాభరణ భూషితా ::
  నానాభరణ శోభాఢ్యా నానారత్నోప శోభితా

౧౩.దృశ్యంతే రథమారూఢా దేవ్యః క్రోధ సమాకులాః ::
 శంఖం చక్రం గదాం శక్తిం హలం చ ముసలాయుధం

౧౪.ఖేటకం తోమరం చైవ పరశుం పాశమేవచ ::
 కుంతాయుధం త్రిశూలం చ శార్గ్ఙమాయుధ ముత్తమం 

౧౫.దైత్యానాం దేహ నాశాయ భక్తానా మభయాయచ :: 
ధారయం త్యాయుధానీత్థం   దేవానాం చ హితాయ వై

౧౬.మహా బలే ! మహోత్సాహే ! మహాభయ వినాశినీ ::
 త్రాహి మాం దేవి దుష్ప్రేక్ష్యే శత్రూణాం భయవర్ధినీ

౧౭.ప్రాచ్యాం రక్షతు మా మైంద్రీ  ఆగ్నేయ్యా మగ్ని దేవతా ::
 దక్షిణేsవతు వారాహీ నైరృత్యాం ఖడ్గధారిణీ

౧౮.ప్రతీక్ష్యాం వారుణీ రక్షేత్ వాయవ్యాం మృగ వాహినీ ::
ఉదీచ్యాం రక్ష కౌబేరీ ఈశాన్యాం శూలధారిణీ

౧౯.ఊర్ధ్వం బ్రహ్మాణి మే రక్షేత్ అధస్తాత్ వైష్ణవీ తథా ::
 ఏవం దశ దిశో రక్షేత్ చాముండా శవ వాహనా

౨౦.జయా మే చాగ్రతః పాతు విజయా స్థాతు పృష్టతః ::
 అజితా వామ పార్శ్వేషు దక్షిణే చాపరాజితా

౨౧.శిఖా ముద్యోతినీ రక్షేత్ ఉమా మూర్ధ్ని వ్యవస్థితా ::
 మాలాధరీ లలాటే చ భృవౌ రక్షేత్ యశస్వినీ

౨౨.త్రినేత్రా చ భ్రువోర్మధ్యే యమఘంటా చ నాసికే ::
 శంఖినీ చక్షుషోర్మధ్యే శ్రోత్రయో ర్ద్వారవాసినీ

౨౩.కపోలౌ కాళికా రక్షే త్కర్ణమూలేచ శాంకరీ :: 
నాసికాయాం సుగంధాచ  ఉత్తరోష్టేతు చర్చికా

౨౪.అధరే చామృత కలా జిహ్వాయాం తు సరస్వతీ ::
 దంతాన్ రక్షతు కౌమారీ కంఠమధ్యేతు చండికా

౨౫.ఘంటికాం చిత్రఘంటాచ మహామాయా చ తాలుకే :: 
కామాక్షీం చిబుకే రక్షేత్ వాచం మే సర్వ మంగళా

౨౬.గ్రీవాయాం భద్రకాళీచ పృష్ఠ వంశే ధనుర్ధరీ ::
 నీలగ్రీవా బహిః కంఠే నలికాం నలకూబరీ   

౨౭.ఖడ్గధారిణ్యుభౌ స్కందౌ బాహూ మే వజ్రధారిణీ ::
 హస్తయోర్దండినీ రక్షేత్ అంబికా చాంగుళీ స్తథా

౨౮.నఖాన్ శూలేశ్వరీ రక్షేత్ కుక్షౌ రక్షేన్నలేశ్వరీ ::
 స్తనౌ రక్షేన్మహాలక్ష్మీః మనశ్శోక వినాశినీ

౨౯.హృదయే లలితా దేవీ ఉదరే శూలధారిణీ :: 
నాభౌ చ కామినీ రక్షేత్ గుదం గుహ్యేశ్వరీ తథా

౩౦.కటిం భగవతీ పాతు నితంబే బిందు మాలినీ ::
 భూతనాధా తథా మేఢ్రం ఊరూ మహిషవాహినీ

౩౧.జంఘే మహాబలా ప్రోక్తా జానునీ వింధ్యవాసినీ ::
 గుల్ఫయోర్నారసింహీ చ పాదపృష్టేsమితౌజసీ

౩౨.పాదాంగుళీః శ్రీధరీచ పాదౌ పాతాళ(అధస్తల)వాసినీ ::
 కరాళినీ పాద నఖాన్ కేశాంశ్చై వోర్ధ్వకేశినీ

౩౩.రోమకూపేషు కౌబేరీ త్వచం వాగీశ్వరీ తథా :: 
రక్త మజ్జా వసామాంసా న్యస్థి మేదాంసి పార్వతీ

౩౪.అంత్రాణి కాళరాత్రిశ్చ పిత్తం చ మకుటేశ్వరీ ::
 పద్మావతీ పద్మ కోశే కఫే చూడామణి స్తధా

౩౫.జ్వాలాముఖీ నఖజ్వాలాం అభేద్యా సర్వ సంధిషు ::
 శుక్రం బ్రహ్మాణి మే రక్షేత్ ఛాయాం ఛత్రేశ్వరీ తథా

౩౬.అహంకారం మనో బుద్ధిం రక్ష మే ధర్మచారిణీ :: 
ప్రాణాపానౌ తథా వ్యానం సమానోదాన మేవచ

౩౭.వజ్రహస్తా చ మే రక్షేత్ ప్రాణాన్ కళ్యాణ శోభనా :: 
రసం రూపం చ గంధం చ శబ్దం స్పర్శం చ యోగినీ

౩౮.సత్వం రజస్తమశ్చైవ రక్షేన్నారాయణీ తథా ::
 ఆయుర్మే రక్ష వారాహీ ధర్మం రక్షతు వైష్ణవీ

౩౯.యశః కీర్తిం చ లక్ష్మీంచ సదా రక్షతు మాతరః ::
 గోత్ర మింద్రాణి మే రక్షేత్ పశూన్మే రక్ష చండికే

౪౦.పుత్రాన్ రక్షేన్మహాలక్ష్మీః భార్యాం రక్షతు భైరవీ :: 
మార్గం క్షేమకరీ రక్షేత్ విజయా సర్వతః స్థితా

౪౧.రక్షాహీనం తు యత్ స్థానం వర్జితం కవచేన తు ::
 తత్సర్వం రక్షమే దేవీ జయంతీ పాపనాశినీ

౪౨.పదమేకం న గచ్ఛేత్తు యదీచ్ఛేత్ శుభ మాత్మనః :: 
కవచే నావృతో నిత్యం యత్ర యత్రాధి గచ్ఛతి

౪౩.తత్ర తత్రార్ధ లాభశ్చ విజయస్సార్వకామికః :: 
యం యం కామయతే కామం తం తం ప్రాప్నోతి నిశ్చితం

౪౪.పరమైశ్వర్య మతులం ప్రాప్స్యతే భూతలే పుమాన్ :: 
నిర్భయో జాయతే మర్త్యః సంగ్రామేష్వపరాజితః

౪౫.త్రైలోక్యేతు భవేత్పూజ్యః కవచేనావృతః పుమాన్ :: 
ఇదం తు దేవ్యాః కవచం దేవానామపి దుర్లభం

౪౬.యః పఠేత్ ప్రయతో నిత్యం త్రిసంధ్యం శ్రద్ధయాన్వితః ::
 దైవీకలా భవేత్తస్య త్రైలోక్యే ప్యపరాజితః

౪౭.జీవేత్ వర్ష శతంసాగ్రం అపమృత్యు వివర్జితః ::
 నశ్యంతి వ్యాధయః సర్వే లూతా విస్ఫోటకాదయః

౪౮.స్థావరం జంగమం చాపి కృత్రిమం చాపి యద్విషం :: 
అభిచారాణి సర్వాణి మంత్ర యంత్రాణి భూతలే

౪౯.భూచరాః ఖేచరా శ్చైవ జలజాశ్చోపదేశికాః ::
 సహజాః కుశలా మాలాః శాకినీ ఢాకినీ తధా

౫౦.అంతరిక్షచరా ఘోరా యక్షిణ్యశ్చ మహాబలాః ::
 గ్రహ భూత పిశాచాశ్చ యక్ష గంధర్వ రాక్షసాః                                          

౫౧.బ్రహ్మరాక్షస భేతాళా కూష్మాండా భైరవాదయః  ::
 నశ్యంతి దర్శనాత్తస్య కవచే హృది సంస్థితే

౫౨.మానోన్నతి ర్భవేద్రాఙ్ఞః తేజోవృద్ధికరం పరం ::
 యశసా వర్ధతే సొపి కీర్తిమాంశ్చైవ జాయతే

౫౩.జపేత్ సప్తశతీం చండీం కృత్వాతు కవచం పురా ::
 యావద్భూమండలం ధత్తే స శైల వన కాననం

౫౪.తావత్తిష్ఠతి మేదిన్యాం సంతతిః పుత్రా పౌత్రకీ ::
 దేహాంతే పరమం స్థానం యత్ సురైరపి దుర్లభం

౫౪ ౧/౨ .ప్రాప్నోతి పురుషో నిత్యం మహా మాయా ప్రసాదతః

దేవ్యాః కవచం